Yakapingula 21:2 - Amazwi Yakwe Leza 2013

² Alino antu yalya iyaya ku Betele, akuno iyalinda kasanya konsi pa manso yakwe Yawe mpaka na lino ilanzi lyawa, ala yakupunda nu kuilizyanya wakwe cimwi kuli Yawe yati,

Yakapingula 21:2 ပူးပေါင်းရင်းမြစ်များ

Utandiko 27:38

Esau atwalilila kupapatila isi kuti amupolelele nanti upolelelo onga sile, ati, “Tata, si mpolelele nani kwene!” Lyene Esau alila nu kupooma wakwe cimwi.

Yoswa 18:1

Pacisila lino iuvi lyonsi lya ina Izlaeli lyapokolola impanga yonsi pyu, lyakongine ku Syilo kuko kuno lyasimfile ni Taalu lya Ukongano.

Yakapingula 2:4

Lino umungeli wakwe Yawe wamala ukulanda ivintu vii ku ina Izlaeli, yonsi kwene iyalila nu kupooma,

Yakapingula 20:18

Aina Izlaeli pali pakuya ku Betele nu kuuzya Leza yati, “Uzye umutundu cii ulinzile kuya uwankolelo ukuzanza aina Benjamini?” Yawe nawe aasuka ati, “Umutundu wakwe Yuda ulinzile kutandikilapo ukuya kweneko.”

Yakapingula 20:23

Aina Izlaeli iyatumbela ku Betele, kuno yaile iyalosya pa manso yakwe Yawe ukufika na lino ilanzi lyawa, nga iyuzya Yawe yati, “Uzye nupya kwene tumaswilila ku kulwisya aina itu aina Benjamini?” Yawe aasuka ati, “Ee, yangini mukayalwisye.”

Yakapingula 20:26

Lyene aina Izlaeli, antu yonsi kwene, iyaswilila ku Betele, nga kuku pasi pakulosya pa manso yakwe Yawe. Uwanda ulya yatalile nanti kamwi ukufika nalino ilanzi lyawa nga yapeela Yawe amawila yakoca nga na mawila ya utandano.

Yakapingula 21:12

Apakasi ka ikazi yaku Yabesyi Gileadi yazanyile akazyana imyanda ini yano yatatala yamanya umonsi nanti wenga, nga iyayaleta ku nkambi yaku Syilo ku Kenani.

Yakapingula 21:3

“Pasi paulanda! We Yawe, Leza wa ina Izlaeli! Uzye pacani cino icintu cii cacitika mu mpanga ya ina Izlaeli, kuti ilelo umutundu wakwe Benjamini uye pipi nu kulowa mu mpanga ya ina Izlaeli?”

1 Samueli 11:4

Lino intumi zizi zyafika ku Gibeya, kuno Saulo wikalanga, nu kufisya amazwi ku antu, yonsi kwene iyatandika ukulila nu kupoma.

1 Samueli 30:4

Acino Davidi na antu yakwe iyalila nu kupooma wakwe cimwi mpaka amazwi yao iyakoma.