Yakapingula 20:5 - Amazwi Yakwe Leza 2013

⁵ Aina Gibeya iyankatukila usiku iyalizizya ing'anda, iyampangila ukunkoma. Iyalema umuci wane namuze ku maka nu kwifya nawe, mpaka iyamulenga ukufwa.

Yakapingula 20:5 ပူးပေါင်းရင်းမြစ်များ

Aina Levi 18:24

“Mutailenga kuya amifitalila pa kucita vintu vii. Pano avino akulukuwa yailenga ukuya amifitalila. Akulukuwa yano yakwikala mu mpanga ino mutacili mwingilemo, yano Yawe akufumyamo kuti mwingilemo.

Malango 22:21

lyene yalinzile kumuleta ku mulyango wa ng'anda yakwe isi, kuno aonsi amu musumba uwo yalinzile kumutama na mawe mpaka afwe. Wene watacita icansonyi mu Izlaeli apakucita uzelele lino acili mu ng'anda yakwe isi, ala atacili atwalwe. Mu musango uu amuno mulasisya inkota pakasi kinu.

Malango 22:24

mulinzile kufumya yoili kwene kunzi ya musumba nu kuyatama na mawe mpaka yafwe. Mukazyana wiyo alinzile ukufwa pamulandu wakuti atapunzile kuti atuulwe, nanti angala wali mu musumba mukasi muno yange yamuvwe. Umonsi nawe alinzile kufwa pamulandu wakuti wene wacisile uzelele na wino yataisya. Mu musango uu amuno mulasisya inkota pakasi kinu.

Yoswa 7:15

Alino umuntu wino alazanwa ni vintu vino vyapeelwa ku kononwa, wene uwakoca pamwi na amu ng'anda yakwe yonsi nga na vyonsi vino wakwata. Pasi pano wene asi uwacumi ku upangano wakwe Yawe nupya watacita icamuzewanya mu Izlaeli.”

Yakapingula 19:22

Walanga aisikulu yacili yakuilyokezya, antu yamwi amu musumba ulya ankota iyalizizya ing'anda. Iyapuma ku cisasa, nga iyapunda sana ku mukote wilya yati, “Fumizya panzi umuntu wiyo uwataiza ukwako kuti tuulungane nawe.”

Yakapingula 19:28

Alino amunena ati, “Zyuka twapita.” Lelo kutali ukwasuka nanti akumwi. Caleka amukatusya nu kumwika pali punda wakwe nga iyatenuka yaswilila ukwakwe.

Yakapingula 20:4

Acino umwina Levi uwali iya wa mwanaci wilya, uwakomilwe, avwanga ati, “Nene pamwi nu muci wane namuze twizile ku Gibeya mu mpanga yakwe Benjamini kuti tulaleko indo.