Yakapingula 20:37 - Amazwi Yakwe Leza 2013

³⁷ Yao afisime ali yano yasimwilile mu Gibeya, iyasalangana monsi kwene nu kukomola aikazi amu musumba ulya.

Yakapingula 20:37 ပူးပေါင်းရင်းမြစ်များ

Kufuma 19:13

Muntu wiyo alinzile kumutama na mawe nanti kumulasa ni nceto kwaula umwi kumukumya. Muntu wensi nanti iviteekwa kwene vilinzile ukukomwa ndi vyacila nande. Lelo lino intandala yalila, antu yalinzile yatumbele ku mwamba.”

Yoswa 6:5

Lino muvwa kuno yakulizya intandala yao, lyene impuka yonsi iya vita ilinzile yalaizya ukulaizya ukukulu. Alino lyene ilinga lya musumba lilawa nga ni vita vilaya pa nkolelo. Cila muntu alingila mwenemo ulunga na panoli.”

Yoswa 8:13

Iyasalanganya vita mu ntunga wakwe vii. Yonsi ali mu kamba iyayatwala ku katutu ka musumba nga nayo yano yafisile iyayatwala ku uwondaka wa musumba. Lelo Yoswa wali mu cifoloma usiku ulya onsi.

Yoswa 8:14

Lino umwene waku Ai walola vivyo, aliwe pamwi na onsi amu musumba iyazwangana katondotondo ukwizafuma mu musumba ku kukomenkanya aina Izlaeli mu ulwi pa ncende imwi ulunga na Alaba. Lelo wene atamanyile ukuti kuli atiyamuteyamila ukunzi ya musumba.

Yoswa 8:19

Lyene lilyo kwene lino wasonta, aonsi yaya afisime iyasokoloka zuwazuwa nga iyasimula ulwilo kuya ku nkolelo. Alino yingila mu musumba, iyaupoka, nga iyawoca.