Yakapingula 20:28 - Amazwi Yakwe Leza 2013

²⁸ nu waisunganga wali a Pineasi umwana wakwe Eleaza, umwana wakwe Aloni.) Aina Izlaeli iyuzya Yawe yati, “Uzye nupya kwene tuye tukalwisye aina itu aina Benjamini nanti tute sile?” Yawe nawe aasuka ati, “Ee, yangini mukayalwisye. Mutondo indayapeela mu makasa inu.”

Yakapingula 20:28 ပူးပေါင်းရင်းမြစ်များ

2 Samueli 6:3

Iyasamula Mbokosi ya Upangano yakwe Leza umu ng'anda yakwe Abinadabu ino yali pa kalundu nga iyaikwezya mwi celeta lipya. Uza na Aiyo, ana aonsi yakwe Abinadabu, ala yakutungulula icikocikala cipya.

2 Milandu 20:17

Citalingine kuti mukalwisye pakwene. Mwemo mukikale celu, ale mukuceleka nu kulolelela vino Yawe alamulwila ulwi uu mwensi mwe ikazi aku Yuda nu ku Yelusalemu. Mutuvwa intete nanti kutovoka. Mutondo muce mufume mukalwe nayo, nga Yawe nawe alaya namwe pee.’”

Ezila 7:5

umwana umonsi wakwe Abisyua, umwana umonsi wakwe Pineasi, umwana umonsi wakwe Eleaza, umwana umonsi wakwe Aaloni simapepo mukulu.

Kufuma 6:25

Eleaza umwana umonsi wakwe Aloni, watwite umwana wenga uwamu ana yakaci yakwe Putieli, uwamuvyalile Pineasi. Yakwene ali vikolwe vya mitundu ino ikaamwa na mazina yao, mu mutundu wakwe Levi, uluko nu luko.

Yelemiya 10:23

“Yawe Leza wamanya ukuti umuntu atange aisolwele umweneco uyo wakwe. Kusi umuntu uwakwata amaka apa umi wakwe.

Malango 10:8

Pa nsita kwene iya Yawe wapaatwile amu mutundu wakwe Levi kuti yangaya yakasenda ya Mbokosi ya Upangano yakwe Yawe. Nu kuti yaimilila inkolelo yakwe Yawe nu kumutumikila, yala yakutaka upolelelo umwi zina lyakwe, wakwe vino yakacita na pilelo kwene.

Malango 18:5

Pano Yawe Leza winu uwasolola umutundu wa ina Levi kuti wamutumikila wakwe yasimapepo amanda pe.

Yoswa 22:13

Caleka aina Izlaeli iyatuma Pineasi umwana wakwe Eleaza, simapepo, kunoyali ku mpanga ya Gileadi kuli Lubeni, Gadi alino nu mutundu pakasi wakwe Manase.

Yoswa 24:33

Eleaza umwana wakwe Aaloni afwa, nga iyamuzika ku Gibeya, umusumba wakwe Pineasi umwana wakwe, uno wapezilwe kunoli mu mpanga ya myamba yakwe Efulemu.

Yoswa 7:7

Lyene Yoswa akuta ati, “Uwi! We Yawe Simwandalali, uzye pacani cino walamvizye antu yako kuno mbalama ya Yodani kuti utupeele mu makasa ya ina Amoli pakuti yatonone? Si cange cizipe uleka twikale ku mbalama yuze iya Luzi lwa Yodani!

Yakapingula 1:2

Yawe aasuka ati, “Umutundu wakwe Yuda umatandikilapo. Namalenga ukuti impanga iye mu makasa yao.”

Yakapingula 19:16

Lino kakuku katola ikwiza umonsi umwi umukote ukufuma ku vyalo. Wene wali uwaku mpanga yakwe Efulemu, impanga ya myamba, nanti angala wikalanga mu Gibeya. (Aikazi yauze ya mwenemo yali amu mutundu wakwe.)

Yakapingula 7:9

Umu nsita ya usiku ulya Yawe anena Gidyoni ati, “Katukini muye mukazanze insakwe yao. Namupeela ukucimvya pali aliyo.

1 Samueli 14:37

Acino Saulo auzya Leza ati, “Uzye inje ku ina Filisti inkayazanze? Uzye umatupeela ucimvyo?” Lelo Leza atamwaswike mu wanda ulya.

1 Samueli 30:8

Davidi auzya Yawe ati, “Uzye incocovye azanzi yaa? Uzye namaya nkayazane?” Yawe nawe amwaasuka ati, “Yacocovye, nga umaya ukayazane nu kupokolola antu yonsi pyu.”