Yakapingula 20:13 - Amazwi Yakwe Leza 2013

¹³ Lyene letini yakacita yampulupulu amu Gibeya kunotuli pakuti tuyakome nga tusisye inkota ii mu mpanga ya Izlaeli.” Lelo amu mutundu wakwe yakanyile ukuvwa ku yauze aina Izlaeli.

Yakapingula 20:13 ပူးပေါင်းရင်းမြစ်များ

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

2 Samueli 23:6

Lelo antu asyacindika Leza yakoline ni myunga ino yasumbwa. Kusi umwi angezya ukuivuta ku minwe.

1 Yamwene 21:13

Lyene antu yaya yaili viwelewele yiza yikala ulunga na Naboti. Alino iyatandika kupeela Naboti umboni waufi papa kwene pa manso ya antu, yati, “Naboti watatuka Leza pamwi nu mwene.” Acino antu yalya yafumizya Naboti kunzi ya musumba, akuno yaya yamutama na mawe mpaka afwa.

2 Milandu 13:7

Ni viwelewele vya antu navyo vyamulondelezya, vyawila kuno ali. Vyatandika nu kupatikizya Leoboamu umwana umonsi wakwe Solomoni apamulandu sile nu wance wakwe, nawe waposiwa ukuyakanya.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

2 Milandu 25:20

Lelo nanti cali vivyo Amaziya atatezizye, pasi pano walanga Leza watapanga ukuyapela mu makasa yakwe Yeoasyi, pamulandu wakuti yene yapefile tuleza twa ina Edomu.

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Kasambilizya 11:10

Mutaleka imyenzo inu yaaziwa nanti ukucuziwa. Endi, uwance winu utalalengela foo.

Oseya 10:9

Yawe akuti, “Aina Izlaeli yatali yate ukwifya kunondi, ukutandikila sile mu manda yano yifizye uku Gibeya. Ali cino inkondo ilayazana uku Gibeya kwene kuko.

Oseya 9:9

Antu yipilako ndi vino cacitike ku Gibeya. Pamulandu wakwe cico Leza atalilila uyi wao, nupya alayavunuka pa maifyo yao.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

1 Kolinto 5:13

Cili ndi vino calembwa mu malembelo cati, “Zingini umuntu ali wensi mwipe uwa munomuli.”

2 Kolinto 6:15

Uzye Klistu a cuza wakwe Satana? Uzye ataila Mwene yangalemana uli na antu atamutaila?

Malango 13:13

ukuti antu yamwi awelewele yatiyazunya akaya amu misumba iyo pakuti yatumikila tuleza tuze tuno mutatala mwapepa.

Malango 13:5

Lelo Kasema wiyo na kalota wa viloto alinzile akomwe, pamulandu wakuti wene akunena antu ukusangukila Yawe Leza winu, wino wamufumizye mu Eguputo, mumo muno mwali azya. Antu amusango uu ankota nupya yakwezyo ukumufumya ku kwikala umi uno Yawe wapeezile ilamulo ukuti avino mwaikala. Yene yalinzile yakomwa, pakuti musisye inkota ii pakasi kinu.

Malango 13:6

“Umunyonko umwi nanti umwana wako umonsi nanti umwanaci, nanti umuci wako wino watemwa nanti acuza wako uwapa mwenzo angezya ku kutunkola mu umfisolo kuti wapepa tuleza tuze, tuto tuno ivikolwe vinu vitatazile vipepe.

Malango 17:12

Umwi ndi wacita imisuli kuli kapingula nanti kuli simapepo wino ali pa luti, wene alinzile ukukomwa. Umu kucita cii ali muno mungafumya ulukota luu mu ina Izlaeli.

Malango 17:7

Nupya yakambone kwene alinzile ukutandikilapo ukumutama na mawe, alino antu nayo yakonkezye. Umu kucita cii ali muno mungaifumizya ulukota luu.

Malango 19:19

ale lyene umuntu wiyo ali nu kuvunukwa wakwe vino wene wakasi umuze avunukwe. Mu musango kwene uu, ali vino mulaiswefya pa kufumya ulukota luu pakasi kinu.

Malango 21:21

Lyene aonsi yonsi amu musumba yalinzile kumutama na mawe mpaka afwe, nga vivyo avino mulasisya inkota pakasi kinu. Cila muntu mu Izlaeli aluvwa icacitika nga aye ni ntete.

Malango 22:21

lyene yalinzile kumuleta ku mulyango wa ng'anda yakwe isi, kuno aonsi amu musumba uwo yalinzile kumutama na mawe mpaka afwe. Wene watacita icansonyi mu Izlaeli apakucita uzelele lino acili mu ng'anda yakwe isi, ala atacili atwalwe. Mu musango uu amuno mulasisya inkota pakasi kinu.

Malango 22:24

mulinzile kufumya yoili kwene kunzi ya musumba nu kuyatama na mawe mpaka yafwe. Mukazyana wiyo alinzile ukufwa pamulandu wakuti atapunzile kuti atuulwe, nanti angala wali mu musumba mukasi muno yange yamuvwe. Umonsi nawe alinzile kufwa pamulandu wakuti wene wacisile uzelele na wino yataisya. Mu musango uu amuno mulasisya inkota pakasi kinu.

Malango 24:7

“Wensi uwafunsya umwina Izlaeli muze nu kumucita umuzya nanti ndi wamukazya, wiyo wene uwa kukoma sile.

Yakapingula 19:22

Walanga aisikulu yacili yakuilyokezya, antu yamwi amu musumba ulya ankota iyalizizya ing'anda. Iyapuma ku cisasa, nga iyapunda sana ku mukote wilya yati, “Fumizya panzi umuntu wiyo uwataiza ukwako kuti tuulungane nawe.”

Yakapingula 20:12

Amu mitundu iya ina Izlaeli iyatuma antu ku aina Benjamini yonsi, yati, “Uzye impulupulu ci ino mwacita pakasi kinu?

Yakapingula 20:14

Lyene iyafuma mu misumba yao yonsi iyakongana ku Gibeya ku kuyalwisya aina Izlaeli.

1 Samueli 2:25

Ndi umuntu umwi wifya ku muntu muze, Leza angamuvwangila. Lelo ndu muntu wifya kuli Yawe, uzye aweni angamupapatila?” Lelo ana yakwe yatatezizye ukukalipa kwakwe isi wao, pano cali ukulonda kwakwe Yawe kuti ayaponyezye imfwa yafwe.

1 Samueli 30:22

Lelo antu yamwi aipe nupya awelewele alondelanga Davidi yavwanga iyati, “Pamulandu wakuti yene yatapisile pamwi naswe, lyene naswe kwene tutakuyankanya icintu nanti conga pa visampwe vino twatitupokolola. Lelo nanti cingaya vivyo, cila muntu angasenda umuci wakwe na ana yakwe nga apite.”