Yakapingula 20:1 - Amazwi Yakwe Leza 2013

¹ Lyene aina Izlaeli yonsi pali pakukatuka ukufuma ku Dani ukufika ku Belisyeba nu ku mpanga ya Gileadi, iyasya uwikalo wao yiiza iyakongana wa muntu wenga pa manso yakwe Yawe ku Mizipa.

Yakapingula 20:1 ပူးပေါင်းရင်းမြစ်များ

2 Samueli 19:14

Amazwi yakwe Davidi iyalenga kuti aonsi yonsi amu Yuda yamuyele, nga nayo iyatuma akuyamunena kuti aweluluke na aomvi yakwe yonsi.

2 Samueli 2:9

Lyene amulasika uwene nga aya umwene wa Gileadi, Asyuli na Yezileele, nga nu wa mpanga yonsi yakwe Efulemu na yakwe Benjamini ni ya ina Izlaeli yonsi.

2 Samueli 24:2

Acino Davidi apeela ilamulo kuli Yoabu, musika mukalamba uwa vita vyakwe ati, “Pita na aomvi yako ku mitundu yonsi ya ina Izlaeli ukufuma ku mpanga yakwe Dani ukufika nu ku Belisyeba kwene, nga upende antu. Nkasi ukumanya impendwa ya antu ali mwenemo.”

2 Samueli 3:10

Namapokolola uwene kuli Saulo na amu mupanda wakwe nu kuleka Davidi aye umwene wa Izlaeli na Yuda kwene ukutandikila sile ku Dani mpaka ukufika nu ku Belisyeba kwene.”

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

2 Yamwene 25:23

Intunguluzi zyonsi zyaku Yuda na akalamba ya vita, yayo yonsi akanyile uku cimbila aina Babiloni, lino yuvwa umulandu uo, ali pakuya kuli Gedaliya, uwali ku Mizipa. Antu yayo yali a Isumeli umwana umonsi wakwe Netaniya, Yoanani umwana umonsi wakwe Kaleya, na Selaya umwana umonsi wakwe Taniumeti uwaku Netofa, na Yazaniya umwana umonsi wa mwina Maaka, pamwi na antu yao kwene.

1 Milandu 21:2

Lyene Davidi apeela ilamulo kuli Yoabu na yamusika ya vita ati, “Pitini mukapende aina Izlaeli ukutandikila sile ku Belisyeba mpaka ukufika ku Dani. Lyene mwize munene kuti imanye impendwa yao.”

2 Milandu 30:5

Nga ali pakwelenganya ukuuma imbila konsi mu Izlaeli, ukutandikila ku Belisyeba mpaka ukufika nu ku mpanga yakwe Dani, apakuti antu yangiiza uku Yelusalemu uku kuzevya Cimulo ca Ucilo cakwe Yawe, Leza wa ina Izlaeli ukulingana ni sunde. Nu kuti cazipa yiize avulisye ukuluta vino cali mu myaka ya kucisila.

Ezila 3:1

Lino umwezi wakwe cinimbali wafika, aina Izlaeli alanga yonsi pyu ikala umu misumba yao. Lyene yonsi yiza yakongana pamwi ni lango lyonga uku musumba wa Yelusalemu.

Neemiya 11:27

ku Hazali Syuali, ku Belisyeba ni mizi yakweo.

Neemiya 8:1

Umu mwezi uwalenga cinimbali aina Izlaeli yonsi pyu iyakongana pamwi kwati akwe nyina wenga, apa nkolelo ya mpongolo iyamwangwa ukuti Mpongolo ya Manzi, uku Yelusalemu. Nga alino iyuzya Ezila nga kalemba na simapepo, kuti alete ulupapulo lwa masunde yakwe Mose yano Yawe wapile aina Izlaeli.

Yelemiya 40:6

Avino Yelemiya wakatwike nu kuya kuli Gedaliya umwana umonsi wakwe Aiikamu, uku Mizipa. Aya aikala nawe apakasi ka antu yano yasile umu mpanga.

Mpendwa 32:1

Amu mutundu wakwe Lubeni na wakwe Gadi yakweti iviteekwa ivivule cuze, ing'ombe ni mfwele. Lyene ilola ukuti impanga zya ina Yazeli na ina Gileadi iziyalinga ukucemelako iviteekwa ivikalamba.

Mpendwa 32:40

Acino Mose apeela Gileadi ku aluko lwakwe Makili, amu mupanda wakwe Manase, nga nayo muli muno yikala.

Yoswa 15:38

Dileani, Mizipa, Yokotele,

Yoswa 17:1

Alino nupya iyatola impanga iya ku uwondaka wa Luzi lwa Yodani iyaipela ku mutundu wakwe Manase, umwana iyeli wakwe Yosefu. Makili wali lili iyeli lyakwe Manase nupya wali icikolwe ca ina Gileadi. Makili wali umusilika. Wene wapilwe impanga ya Gileadi ni ya Basyani pamulandu wakuti aina Makili yali ivita vya maka.

Yoswa 18:26

Mizipa, Kefila, Moza,

Yoswa 22:12

Acino lyene iuvi lyonsi lya ina Izlaeli likongana pa Syilo kuti lipite ku kuyalwisya.

Yoswa 22:9

Acino amu mutundu wakwe Lubeni, na wakwe Gadi nga nu mutundu pakasi wakwe Manase iyasya aina Izlaeli pa Syilo mu Kenani kuti yaswilile ku Gileadi, impanga yao, ali kuno iyacita icifulo cao, ukulingana navino Yawe wapile ilamulo ukupitila muli Mose.

Yoswa 4:13

Pa manso yakwe Yawe antu ukulingana na mazimbi amakumi yani, yao aiteinye ku ulwi, iyalamba nu kulungama ku manyika aku Yeliko.

Yakapingula 10:17

Lyene ivita vya ina Amoni iviiteyanya kuya ku kulwa nga ivicita insakwe mu mpanga ya Gileadi. Aina Izlaeli nayo iyakongana nu kukuula insakwe ku Mizipa.

Yakapingula 11:11

Acino Yefuta apita ni ntunguluzi zizi zyamu Gileadi, nga antu iyamucita kuya intunguluzi yao na musika mukalamba wao uwa vita. Lyene ku Mizipa, pa manso yakwe Yawe, Yefuta aswilizya ukulanda amazwi yaya wakwe vino yapangine nayo.

Yakapingula 11:34

Lino Yefuta wawelulwike ukufuma ku Mizipa, icamupamba umwana wakwe uwa kaci aiza amukomenkanya, ala akulizya icinanda nu kucina. Wene wali ali mwana wakwe wenga mpo. Atakweti umwana namuze umonsi nanti umwanaci.

Yakapingula 18:29

Pali pakuutemela izina yati Dani, ilili zina lya cikolwe cao Dani, uwali umwana wakwe Izlaeli. Lelo mpiti izina lyankolelo lyauko yatangi Laisyi.

Yakapingula 20:11

Acino aina Izlaeli yonsi iyakongana pamwi nga iyumana akapi, alino yazanza umusumba ulya.

Yakapingula 20:18

Aina Izlaeli pali pakuya ku Betele nu kuuzya Leza yati, “Uzye umutundu cii ulinzile kuya uwankolelo ukuzanza aina Benjamini?” Yawe nawe aasuka ati, “Umutundu wakwe Yuda ulinzile kutandikilapo ukuya kweneko.”

Yakapingula 20:2

Intunguluzi zya antu yonsi amu mitundu iya ina Izlaeli apano zyali pa ukongano uu uwi uvi lya antu yakwe Leza. Asilika yonsi pamwi apitanga pa ngazo yali amazimbi imyanda ini, yao alwilanga ni mpanga.

Yakapingula 20:26

Lyene aina Izlaeli, antu yonsi kwene, iyaswilila ku Betele, nga kuku pasi pakulosya pa manso yakwe Yawe. Uwanda ulya yatalile nanti kamwi ukufika nalino ilanzi lyawa nga yapeela Yawe amawila yakoca nga na mawila ya utandano.

Yakapingula 20:8

Antu yonsi pali pakukatuka wa muntu wenga, nga yavwanga yati, “Tutalola nanti wenga uwakuya ukwakwe, ciye akaikala mu nsakwe nanti mu ng'anda.

Yakapingula 21:5

Alino aina Izlaeli iyuzya yati, “Uzye mu mitundu yonsi ya ina Izlaeli aweni atizile mu kukongana pa manso yakwe Yawe?” Pano yalavile nu mulapo ukalamba ukuti wensi atalazanwa ku ukongano kuli Yawe ku Mizipa alinzile ku komwa.

1 Samueli 10:17

Samueli atuma akuya ama aina Izlaeli kuti yakongane ku kupepa Yawe ku Mizipa

1 Samueli 3:20

Ukutandikila sile ku mpanga iya ina Dani ukufika nu ku Belisyeba, aina Izlaeli yonsi yamanya ukuti umucumi Samueli a kasema wakwe Yawe.