Yakapingula 2:4 - Amazwi Yakwe Leza 2013

⁴ Lino umungeli wakwe Yawe wamala ukulanda ivintu vii ku ina Izlaeli, yonsi kwene iyalila nu kupooma,

Yakapingula 2:4 ပူးပေါင်းရင်းမြစ်များ

Ezila 10:1

Lino Ezila acili akupepa nu kuilongwela amaifyo yakwe, ala akulila nu kuisumba pansi inkolelo ya Ng'anda yakwe Leza, iumba likulu lya ina Izlaeli aonsi, na anaci na ana yao yamuunganila. Nayo kwene yalila aminsozi nu ulanda ukulu cuze.

Mapinda 17:10

Umuntu wamano akauvwa uku kukalipilwa ukuluta uku ciwelewele cino yuma inguma umwanda.

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Luka 6:21

“Alongo amwemwe mwe munomuli ni nzala ndakai. Pano mulikuta! Alongo amwemwe mwe muno mukulosya ndakai. Pano mulatekeziwa!

Luka 7:38

aimilila kwi tundu ku mbali ya ngazo zyakwe Yesu, ala akulila, akuponyezya minsozi pa tuntunta twa ngazo zyakwe Yesu. Lyene akumbula ingazo zyakwe Yesu ni nyele zyakwe, azitonsola nga azipongolwela amafuta acinunu cisuma.

2 Kolinto 7:10

Pano ulanda uno Leza akaomvya wene ukuleta ukuzenzuka kuno kukatungulula ku ufyusi. Caleka mutalinzile kuvwa ulanda pali cii. Pano kuvwa ulanda wakwe vino amu nsi yakacita kwene kukaleta imfwa.

Yakobo 4:9

Muye nu ulanda, mwalosya nu kulila minsozi. Tini kuseka, tandikini kulosya. Tini kuzanga, tandikini kukungumala!

Yakapingula 2:3

Acino lyene nkamunene. Ntalazinga imitundu iyo pa nkolelo inu. Yene yala anisi inu, nga kupepa tuleza twao kulaya iciteyo kunomuli.”

Yakapingula 2:5

nga iyatemela incende ilya yati pa Bokimu Kuku kwene akuno yapeela impolelwa kuli Yawe.

1 Samueli 11:4

Lino intumi zizi zyafika ku Gibeya, kuno Saulo wikalanga, nu kufisya amazwi ku antu, yonsi kwene iyatandika ukulila nu kupoma.

1 Samueli 7:6

Acino yonsi kwene iyakongana ku Mizipa. Alino iyatapa amanzi nu kwitila wa wila uwapeelwa kuli Yawe. Lyene iyata nu kulya pa wanda ulya onsi. Iyavwanga iyati, “Twatitwifya kuli Yawe.” (Fwandi ku Mizipa kwene kuli kuno Samueli wapingwililanga aina Izlaeli.)