Yakapingula 2:19 - Amazwi Yakwe Leza 2013

¹⁹ Lelo lino intunguluzi ilya yafwa, yene iyaswilila ku miyele iipisye ukuluta iya vikolwe vyao, yala yakulondela nu kutumikila nu kupepa tuleza tuze. Yene iyakana ukuta ivicitwa vyao ivyankota ni miyele yao iyakutalama.

Yakapingula 2:19 ပူးပေါင်းရင်းမြစ်များ

Utandiko 6:11

Antu yonsi yali aipe ni mpanzela zyao zyasalangine insi yonsi.

Neemiya 9:28

Lelo akula sile cino yala yuma akamuza, ayayo nupya kwene iyifya. Lyene nupya kwene uyapeela umu makasa ya anisi yao yayacuzya. Nga lelo lino yazenzuka nu kukuuta kunuli kuti uyatuule, nawe ukwako kwiyulu uyuvwa, nga amaila na maila wemo wayatuulanga uku luse lwako ulukulu.

Masamu 78:8

Yataca yakaye ivyali ivikolwe vyao, ivyasangukilanga Leza nu kumutalamila. Vyene vyatailanga Leza, citaile taile, ukwaula ukwika amano uku kumutontelela.

Kufuma 32:7

Lilyo kwene Yawe anena Mose ati, “Kalaufya, ika ku mwamba swilila pamulandu wakuti antu yako yano watungulwile pa kuyafumya mu Eguputo, yatiyaifya nupya yatiyankana.

Yelemiya 16:12

Lelo mwemo mwifya ukuluta yaso. Si lolini vino cila wenga akulondelela ulukumbwa lwa mwenzo wakwe wiipe, ukwaula nu kunguvwa foo.

Yelemiya 23:17

Yene yalayuumilila sile mu kunena yano yasuula Leza ukuti yalaya nu longo. Na wiyo wensi wino akalondelela ulunkumbwa lwa mwenzo wakwe uumalale ala yakumunena ndi vino uzanzo utalamuponela foo.”

Yelemiya 3:17

Umu manda yaya, Yelusalemu alaamwa ukuti icilimba cakwe Yawe ni mitundu yonsi akuno iloomokela umwi zina lyakwe Yawe. Yatalalondelela nupya ivintu vya utalami, nanti ivintu vyuze iviipe vino imyenzo yao ilayanena.

Ezekelo 20:30

Lyene fwandi nena aina Izlaeli amazwi yane ne Yawe, uyanene ukuti uzye mwemo umulandu cii uno mukacitila iviipe vili vimwi na vino ivikolwe vinu vyacitanga? Uzye pacani cino mwemo mukapepa utuluwi twao?

Mateo 23:32

Caleka malilini kucita viipe vino yene yacisile.

Malango 31:29

Natimanya ukuti pacisila ca mfwa yane antu mulaya yakacita ya nkota nupya mulakana ivintu vino namusambilizya. Nga ukunkolelo amazanzo yalamuponela, pamulandu wakuti mwemo mulacita ivintu ivilalenga ukuti Yawe asoke, vino wene walesya.”

Yoswa 24:31

Aina Izlaeli yatumikilanga Yawe mu nsita yonsi lino Yoswa na ikolo amukulilile yali nu umi. Aikolo kwene yaya yamanyile imilimo yonsi ino Yawe wacitile aina Izlaeli.

Yakapingula 10:13

Lelo mwemo mwamfutatila nu kutumikila tuleza tuze. Acino nani ntalatala imutuule nupya.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Yakapingula 2:20

Caleka Yawe pasi pa kusokela aina Izlaeli nga avwanga ati, “Pamulandu wakuti uluko luu lwatilonona upangano wane uno napiile ilamulo ku vikolwe vyao kuti visunge, nga nayo yakana ukunguvwila,

Yakapingula 2:7

Antu yatumikile Yawe pa nsita yonsi ino Yoswa na ikolo amukulilile ali apuma, yonsi kwene yano yaweni ivintu ivikulu vino Yawe wacitile aina Izlaeli.

Yakapingula 4:1

Pacisila ca kufwa kwakwe Eudi, aina Izlaeli nupya kwene yiifya kuli Yawe.

Yakapingula 8:33

Pacisila ca mfwa yakwe Gidyoni, aina Izlaeli nupya kwene yatali acumi kuli Leza nga iyapepa tuleza Tubaali. Iyaipangila Baali Beliti ukuya ali leza wao.

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”