Yakapingula 2:17 - Amazwi Yakwe Leza 2013

¹⁷ Lelo nalyo kwene aina Izlaeli yatuvwilanga intunguluzi zizi. Pasi pano yene yacisile ngati uzelele pa kufukamilanga tuleza tuze nu kutupepa. Ivikolwe vyao vyayezile amalamulo yakwe Yawe, lelo antu amu mukulo uu yene zuwazuwa yata ukuyela.

Yakapingula 2:17 ပူးပေါင်းရင်းမြစ်များ

Masamu 106:39

Yaikowezyanga aisikulu ku vicitwa vyao. Yacitanga ukakasi uku vicitwa vyao, ungati acizelele.

Masamu 106:43

Insita izingi wene wayatuulanga, lelo yene yamusuulanga sile ku mufulo, yasuka lyene yailetelela yaponela nu mu kwifya.

Masamu 73:27

Umu cumi yayo akafuntuka kunoli, yalaponga. Nupya yayo yonsi akakusangukila, wemo ukayonona.

Kufuma 32:8

Pakwene yatiyafuma umu nzila ino napiile ilamulo kuti yalondela. Yatiyasungulula zaabu nu kupanga mutepa wa mwana wa ng'ombe. Awino yakupepa nu kupeela impolelwa kunoli. Nupya yakuvwanga yati, ‘Mwe ina Izlaeli, leza witu auwi wino watufumizye mu Eguputo.’ ”

Yelemiya 3:6

Umu manda ya utesi wa mwene Yosiya, Yawe wanenyile ne Yelemiya ati, “Uzye watulola ivyativicita umutalami Izlaeli? Vino akakwela apa mwamba utali uuli onsi. Aya nu mwisika lya cimuti icilembe cili consi nu kucita uzelele.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Oseya 2:2

“Kalipila nyoko, si ule umukalipile, pano wene asi umuci wane, nga nani insi iya. Mu mupapate kuti ate uzelele, nga nu kuntatailwa.

Aina Levi 17:7

Caleka ndakai aina Izlaeli yatalinzile ukupeela impolelwa ku tuluwi utwa cata ca mbuzi tuno yakafukamila. Ilamulo lii, lili nu kusungwa ku nkulo zinu zyonsi.

Amosi 2:4

Yawe wavwanga wati, “Pamulandu wakuti antu aku Yuda yakutwalilila ukwifya, nemo ntalaposiwa ukuyavunuka. Yene yakapepusya amasunde yane ne Yawe, acino yasinguvwila muli vyonsi vino nkayasunda, nga na Tuleza twaufi utwa vikolwe vyao twayaponzya.

Galatiya 1:6

Nkuzunguka pamulandu wa miyele inu! Kwaula kusumba insita mwemo mukufutatila Leza wiyo uwamusolwile kupitila mu cikuku cakwe Klistu, nga nupya mukutaila ilandwe lyuze.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Malango 31:18

Nani ndakana ukuyazwilizya pamulandu wa nkota zyao mu kumfutatila nu kupepa tuleza tuze.

Malango 9:12

“Lyene alino Yawe wanenyile ati, ‘Tentemuka ukufuma pano likwene, pamulandu wakuti antu yano wafumizye mu Eguputo yatiyiifya. Yene yatiyafutatila zuwazuwa ilamulo lino nayapeezile nga yatiyaipangila akaluwi.’

Malango 9:16

Lyene lino nalolekisye, naweni ukuti mwatimwifya kuli Yawe Leza winu. Mwemo mwaipangile akaluwi mu musango wakwe cipambasi. Mwafutatile zuwazuwa ilamulo lino Yawe wamupeezile.

Yoswa 24:24

Lyene antu iyanena Yoswa yati, “Swemo tumatumikilanga Yawe Leza witu nu kumuyela.”

Yoswa 24:31

Aina Izlaeli yatumikilanga Yawe mu nsita yonsi lino Yoswa na ikolo amukulilile yali nu umi. Aikolo kwene yaya yamanyile imilimo yonsi ino Yawe wacitile aina Izlaeli.

Yakapingula 2:7

Antu yatumikile Yawe pa nsita yonsi ino Yoswa na ikolo amukulilile ali apuma, yonsi kwene yano yaweni ivintu ivikulu vino Yawe wacitile aina Izlaeli.

Yakapingula 8:33

Pacisila ca mfwa yakwe Gidyoni, aina Izlaeli nupya kwene yatali acumi kuli Leza nga iyapepa tuleza Tubaali. Iyaipangila Baali Beliti ukuya ali leza wao.

1 Samueli 12:12

“Lelo lino mwemo mwaweni ukuti Naasyi umwene wa ina Amoni wamukatukila, mwanenyile imuti, ‘Awe! Tukulonda umwene uwa kututeeka,’ nanti angala umwene winu wali a Yawe Leza winu.

1 Samueli 12:17

Uzye ndakai asi insita iyakuzombola ingano? Fwandi lyene namalaizya kuli Yawe pakuti atume ukupangalansya ni mvula. Namwe alino mumamanya ukuti mwifya sana kuli Yawe apakuilengela umwene.”

1 Samueli 12:19

Alino antu yonsi pamwi iyanena Samueli iyati, “Sungala utupepele swe aomvi yako kuli Yawe Leza wako pakuti tutafwa, pasi pano twatitulunda pa maifyo itu yonsi iifyo lii ilya kuilengela umwene.”