Yakapingula 2:11 - Amazwi Yakwe Leza 2013

¹¹ Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yakapingula 2:11 ပူးပေါင်းရင်းမြစ်များ

Utandiko 13:13

umusumba muno antu yali ankota, aifyanga Yawe wakwe cimwi.

Utandiko 38:7

Misango yakwe Ele, umwana iyeli wakwe Yuda, itazanzizye Mwene. Caleka Yawe amukoma.

1 Yamwene 11:5

Solomoni wiyo casuka camutwala ku kupepa Asyitaloti, kaleza kanaci ka ina Sidoni, na Moleki, kaleza ka winyi aka ina Amoni.

1 Yamwene 18:18

Eliya nawe aasuka ati, “Nemo insi umuntu kacita wa vimvulunganya ku ina Izlaeli. Lelo wemo pamwi na ang'anda yakwe so, mwemwe mukacita vivyo. Mwemo mwafutatila amalamulo yakwe Yawe nu kulondela Tubaali.

1 Yamwene 22:53

Aaziya watumikilanga Baali nu kumupepa, nga nawe kwene alenga Yawe ukusoka, Leza wa ina Izlaeli, pa kulondela vyonsi vino isi wacitanga.

2 Milandu 28:2

Wene wacitanga ivintu iviipe kwati sile ivyacitanga yamwene aku Izlaeli nu kupanga utuluwi twakwengulula utwakuomvya pa kupepa tuleza Tubaali.

2 Milandu 28:3

Aoca nu ubani mu Cifoloma ca Beni Hinomu nu kupeela ana yakwe aonsi wa mpolelwa, apakulondela imisango iipe ya nko zino Yawe wazinzile apa manso ya ina Izlaeli.

2 Milandu 33:6

Waile atuula na ana yakwe umu kuyocela impolelwa umu Cifoloma ca Beni Hinomu. Nupya watemilwe sana ukusapola nu kucita amalele. Wasontanga na yamucapi. Wacitanga ni vintu vyuze iviipe pa manso yakwe Yawe, cakuti amulenga ukusoka.

Ezila 8:12

Yoanani, umwana umonsi wakwe Hakatani, uwamu mupanda wakwe Azigadi. Wene wali pamwi na onsi umwanda onga ni kumi (110).

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Masamu 78:56

Nga nalyo kwene yasangukile Leza Mukulu yamamusonsomba sile. Iyakana nu kutontela amasunde yakwe.

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 16:11

Lyene uce uyanene vino Yawe wavwanga wati, ‘Apamulandu wakuti ivikolwe vinu vyantazyezile nu kulondelela tuleza tuze, yatutumikilanga nu kutupepa.’ Yene yantazyezile nupya yatawasile amasunde yane.

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Yelemiya 2:23

Ungavwanga uli ukuti utaikowezya nupya utalondelanga Baali? Tala lola vino waifizye umu cifoloma ca Beni Hinoni, elenganya pali vino wacisile. Wemo icili conga ni ngamila yakaci ino ikusimula kuu na kuuku.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Yelemiya 9:14

Nemo yantalamila nupya yakupepa na tuleza utuluwi twakwe Baali, ndi muno ivikolwe vyao vyayasambilizye ukucita.

Mpendwa 25:3

Acino lyene aina Izlaeli iyatandika nu kufukamila Baali uwaku Peoli. Yawe nawe ali pa kusokela aina Izlaeli.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Malango 4:25

“Nalyo kwene ndi mwaca mwikala mu mpanga ilya mwalengela mwenemo, mwavyala ana nu kukwata aizikulu, mutakezye ukupanga akaluwi mu musango uli onsi. Cintu cico iciipe pa manso yakwe Yawe, nupya cilamulenga ukusoka.

Yakapingula 10:10

Alino lyene aina Izlaeli iyalilila kuli Yawe yavwanga yati, “Twatitwifya kunuli, pa kufutatila Leza witu nu kutumikila Tubaali.”

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 13:1

Nupya kwene aina Izlaeli iyiifya pa manso yakwe Yawe. Caleka Yawe ayapeela mu makasa ya ina Filisti pa myaka amakumi yani.

Yakapingula 3:12

Aina Izlaeli nupya yiifya pa manso yakwe Yawe. Pamulandu wakwe cii, Yawe aleka Egiloni umwene waku Moabu aye na maka ukuluta aina Izlaeli.

Yakapingula 3:7

Aina Izlaeli yilila Yawe Leza wao, yiifya kunoli nu kupepa Baali na Asyela, tuleza tuluwi tutu.

Yakapingula 4:1

Pacisila ca kufwa kwakwe Eudi, aina Izlaeli nupya kwene yiifya kuli Yawe.

Yakapingula 6:1

Nupya kwene aina Izlaeli yiifya kuli Yawe. Caleka Yawe aleka aina Midyani iyayateeka pa myaka cinimbali.

Yakapingula 6:25

Usiku ulya Yawe anena Gidyoni ati, “Tola cipambasi wakwe so, nga na cipambasi namuze uwa myaka cinimbali. Utamole kavuwa kakwe so kano wakuulile Baali, nga uputule ulucesi lwa cimanyililo cakwe Asyela, Leza mwanaci wilya, ululi pambali ya kavuwa kako.

Yakapingula 8:33

Pacisila ca mfwa yakwe Gidyoni, aina Izlaeli nupya kwene yatali acumi kuli Leza nga iyapepa tuleza Tubaali. Iyaipangila Baali Beliti ukuya ali leza wao.

1 Samueli 12:10

Lyene iyalilila kuli Yawe kuti ayazwe, iyati, ‘Twatitwifya pa kukufutatila we Yawe nu kutumikila maunkolanya yakwe Baali na yakwe Asyitaloti. Lelo ndakai tutuule ku anisi itu, nga naswe tumakupepa!’

1 Samueli 7:3

Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”

1 Samueli 7:4

Acino aina Izlaeli iyasumba maunkolanya yao yakwe Baali na yakwe Asyitaloti, nu kutandika ukupepa sile Yawe.