Yakapingula 16:4 - Amazwi Yakwe Leza 2013

⁴ Lino papita insita, Samusoni yiiza yatemwana nu mwanaci wino yatemile izina yati a Delila, wino wikalanga mu Cifoloma ca Soleki.

Yakapingula 16:4 ပူးပေါင်းရင်းမြစ်များ

1 Yamwene 11:1

Umwene Solomoni watemilwe anaci avule ainamasi ukulunda pa mwana umwanaci wakwe Falao, na anaci aina Moabu, na ina Amoni, na ina Edomu, na ina Sidoni nga na ina Hiti.

Neemiya 13:26

Uzye asi pamulandu wa anaci kwene yalya acino Solomoni umwene waku Izlaeli wifizye? Kutali umwene nanti wenga uwamu nko zya pano nsi uwalingine na aliwe. Leza wamutemilwe cuze nga amulasika uwene wa ina Izlaeli yonsi. Lelo anaci yalya ainamasi yalenzile kuti aifye.

Mapinda 22:14

Imivwangile yakwe cizelele yaya wakwe polowe. Yano Umwene Leza wakwatila icipyu yakaponelamo.

Mapinda 23:27

Umwanaci cizelele wene akoline na polowe umuzike, na mama cipitepite akoline ni cifula cifyenkane.

Mapinda 26:11

Iciwelewele cikaswilila uku uyunganyi wakwe vino simbwa akaswilila uku malusi yakwe.

Mapinda 27:22

Nanti sile wapondenkanya iciwelewele na cisaka umu cina, uwelewele wakweco utangafuma.

1 Kolinto 10:6

Lyene vii vyonsi ivilangililo kunotuli, vya kutusoka kuti tutalonda vintu viipe, ndi vino yene yacisile,

Yakapingula 16:3

Lelo Samusoni wene waizi pa musanzi ukufika nu usiku pakasi. Lyene akatuka nga anyemula nu kutukula icisasa ca mpongolo ya musumba, kumwi na maingwe yoili kwene, asokomola ifulemu na vyonsi ivyasyala nga avipinga pa ciye avisenda pa mwamba papela lwaku ufumondaka wakwe Hebuloni.

Yakapingula 16:5

Intunguluzi zya ina Filisti ziza kunoli izimunena iziti, “Uce umulyombeleke ukezye ukuzana kuno amaka yakwe yafuma, na vino tungacita pakuti tumutonsye nu kumunyepa pakuti tukapoke amaka yakwe. Cila wenga uwa munotuli tulakulipa impiya zyakwe siluva ukulingana ni zimbi nu mwanda onga.”