Yakapingula 16:28 - Amazwi Yakwe Leza 2013

²⁸ Alino Samusoni apepa kuli Yawe ati, “Yawe Simwandalali, napapata su nganjiusya. Su mpeele nupya amaka nanti iila lyonga kwene, ngu leke kuti ndandule pa manso yane yoili yano aina Filisti yantonkola.”

Yakapingula 16:28 ပူးပေါင်းရင်းမြစ်များ

2 Milandu 20:12

Wewe, we Leza witu kwati utangayapezya? Swemo tutakweti amaka akucimvyanya ni ciliumba icitaikulila wakwe cii icikutulwisya. Tutakweti ivyakucita pano amanso itu yasintilile kunuli.”

Masamu 10:12

Katuka, we Yawe, uvunuke antu yaya aipe! Iusya yayo akucululuka!

Masamu 116:4

Alino lyene nalaizye kuli Yawe inti, “We Yawe, napapata ndu ntuule!”

Masamu 143:12

Lovya anisi yane uku luse lwako sile, uonone yonsi akancuzya, pano nene muzya wako.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Yelemiya 15:15

Lyene inti, “We Yawe, cico cene wacimanya. Uwanjiusya nu kungazwilizya. Uwandandwila kuli yayo akanzunya. Wemo usisoka zuwa, acino utaleka yankome. Waiusya ukuti nemo nkutukwa pamulandu wako.

Yona 2:7

Lino naweni ukuti imfwa yanunka, niwisye wewe, we Yawe, mpepa kunuli nga nawe unguvwa mumo umu Ng'anda yako ikulu yamuzilo.

2 Timoti 4:14

Alekizanda kasula wa vyela wancitile viipe mu misango ingi. Mwene alamulambula kulingana na vino wacita.

Ayebulai 11:32

Uzye vyuze vino ningalanda vyani? Nati nulilwa insita yakulanda pali Gidyoni, Balaki, Samusoni, Yefita, Davidi, Samueli na yakasema.

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”

Yakapingula 15:18

Lyene Samusoni auvwa ulusala wakwe cimwi, nga alaizya kuli Yawe ati, “Watupela umuzya wako ucimvyo uu ukulu. Uzye lyene imfwe ku lusala nu kupelwa mu makasa ya antu atasilamulwa?”

Yakapingula 16:27

Lyene mu ng'anda kwene ii mwazile antu avule, aonsi na anaci. Intunguluzi zisano zya ina Filisti amuno yali yonsi kwene, nga kwali antu manye amazimbi amakumi yatatu yano yatenzi api paala yala yakulola vino Samusoni akucina.

Yakapingula 16:29

Alino Samusoni alema incesi ziili zizi izyatungilile Ng'anda ikulu ilya, ikasa lilunji kuli longa ni limani kuli luze, azipunganya

Yakapingula 5:31

Acino we Yawe sungaleka anisi yako yonsi yafwe, lelo sungaleka yacuza yako yaengesa wa kutunka kwi lanzi! Nga mu mpanga ilya mwali umutende pa myaka amakumi yani.