Yakapingula 16:24 - Amazwi Yakwe Leza 2013

²⁴ Lino antu yalola Samusoni iyalumbanya leza wao yati, “Leza witu watapeela umwanisi witu mu makasa itu, wino wononanga impanga itu nu kuvuzya imfwa pa antu itu.”

Yakapingula 16:24 ပူးပေါင်းရင်းမြစ်များ

1 Milandu 10:9

Alino yaputula umutwe wakwe Saulo, nga yatoola ni vilwilo vyakwe vyonsi. Alino yatuma inkombe zyao kuti yavipisyanye umu mpanga ya ina Filisti kuti yakalande ilandwe lisuma kuli tuleza twao nga nu ku antu yao.

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Ezaya 37:20

Ali cino fwandi we Leza witu tupususye kweneko ku ina Asilya, uleke antu yonsi apano nsi yasininkizye ukuti wewe wenga mpo, awewe Leza wacumi.”

Ezekelo 20:14

Lelo nupya nasuzile sile pano nga nailetile sile nenga insonyi ku antu amitundu, alolanga kuno nayafumyanga mu Eguputo.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Danieli 5:4

nu kulumbanya tuleza utwapangilwa na zaabu, siluva, umukuwa, ni cela, imiti na mawe.

Habakuku 1:16

Acino lyene yakapela impolelwa ku masumbo yao, nu kocela ubani ku mato yao. Pamulandu wakuti vikwene ivikayapeela ivisuma nu kulya ningo.

Malango 32:27

Lelo nsilonda ukuti anisi yao yace yayuvwa yati, ali yano yacimvizye antu yane, kwati asi anene nemwisikulu natinjafulula.’

Umbwilo 11:10

Antu yonsi amu nsi yalazanga pamulandu wa mfwa yakwe yakambone yaa yaili. Yene yalazevya nu kutumilana mawila, pano yakasema yaa yaili yalesile macuzi aingi pa antu.

Yakapingula 15:14

Lino Samusoni wafika ku Leii, aina Filisti iyamukomenkanya yala yakupunda ucimvyo. Lelo Umupasi wakwe Yawe iwikila panoli iumupela amaka, nga atankola imyando ino yamunyefile ku makasa wa usavu uwapya ku moto, nga ilukuta ku makasa yakwe.

Yakapingula 15:16

Samusoni pali pakuilumba mu lwimbo ati, “Ku luzekete lwakwe punda natinjatulika mu mutumba. Ku luzekete lwakwe punda natinkoma antu izimbi lyonga.”

Yakapingula 15:8

Alino ayazanza icikalale, akoma aingi wakwe cimwi. Lyene atentemuka aya aikala mwi cele mwi we lyaku Etamu.

Yakapingula 16:25

Lino yazanga mu myenzo yao, iyapunda yati, “Kaletini Samusoni aize atusansamusye.” Acino iyama Samusoni ukufuma mu ng'anda yaminyololo, nga nawe acita iviila pa manso yao. Nga lino yamwimika pakasi ka ncesi ziili,

1 Samueli 31:9

Iyaputula umutwe wakwe Saulo nu kumuzula ivyanzo vyakwe. Alino lyene iyatuma inkombe umu mpanga yao yonsi ku kusalanganya ilyasi lisuma kuli tuleza twao utuluwi nu ku antu yao yonsi.