Yakapingula 16:15 - Amazwi Yakwe Leza 2013

¹⁵ Alino Delila amunena ati, “Ungalanda uli ukuti wantemwa lino fwandi utantaila? Lii, ila lyakwe citatu lino wemo ukalu kuntumpika nupya utali kuti unene inkama ya maka yako akulu.”

Yakapingula 16:15 ပူးပေါင်းရင်းမြစ်များ

Utandiko 29:20

Caleka Yakobo aombela Lakeli imyaka cinimbali, ni nsita yonsi kunoli yali wa manda yanono. Pano wamutemilwe cuze.

2 Samueli 16:17

Alino Abusalomu nawe auzya Husyai ati, “Uzye kuu kuli kutemwa kuno ukulanga kuli cuza wako? Uzye pacani cino utapisile na cuza wako?”

Neemiya 6:4

Antu yaya nayo yalondenkanya uku ntumila amazwi amwata uli umwi kwene amaila yani. Nani ala inkuyawezezya uwasuko uwa mazwi ali yonga kwene.

Mapinda 2:16

Amano ndi yiza munuli ali yano yamakufuntusyanga uku ntalanganyi ya mwanaci ali wensi, angiza kunuli na mazwi akukulyongofya,

Mapinda 23:26

Mwanane, ala sumba amano kuli vino nkukunena, uwalola vino nkaikala mu umi wane.

Yoane 14:15

“Ndi mwantemwa mwayela masunde yane.

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

1 Yoane 5:3

Swemo tukalanga kutemwa kuno twatemwa Leza pa kuyela masunde yakwe. Na masunde yakwe angupale,

Yakapingula 14:16

Acino umuci wakwe Samusoni aya kuli Samusoni ala akulila, nga amunena ati, “Fwandi wampata! Cumi kwene utantemwa, awe. Wacolekela antu yane akacole kano yatange yacolokolole.” Samusoni nawe amunena ati, “Ntatala nanena tata na mayo icintu ci. Uzye lyene wewe ninganena icintu cico?”

Yakapingula 16:14

Alino Delila amulyombeleka mpaka amulalikizya. Alukinkanya na vimukule cinimbali ivya nyele zyakwe ku lukusa lwa wile. Alino avinyepenkanya ku lupopo nga nupya apunda ati, “Samusoni, wafwa aina Filisti ayayo!” Lelo Samusoni avwandamuka mu tulo nga avuta na vimukule atukwila kumwi nu lupopo.

Yakapingula 16:16

Walondekinye ukumuzya cila wanda, amwanola mpaka amutonsya pipi ni mfwa.