Yakapingula 16:13 - Amazwi Yakwe Leza 2013

¹³ Delila pali pakuilizyanya kuli Samusoni ati, “Nalikwene ucili ukuntumpika nu kuntumpoka. Napapata lyene si nene vino yangakunyepa.” Nawe aasuka ati, “Ndi waluka vimukule cinimbali uminkanyemo nu lukusa alino uvinyepelele ku lupopo, lyene ntangakwata amaka. Ningaya wa muntu ali wensi.”

Yakapingula 16:13 ပူးပေါင်းရင်းမြစ်များ

Yakapingula 14:17

Lelo umukazyana wilya alu kumulilila pa manda cinimbali ya cimulo. Acino pa wanda uwalenga cinimbali asuka amunena, pamulandu wakuti wamupamvizye sana. Alino umukazyana wilya aya anena aina Filisti muno kacole kalozile.

Yakapingula 16:10

Delila pali pakunena Samusoni ati, “Fwandi wali ukuntumpika nu kuntumpoka sile. Napapata lyene si nene vino yangakunyepa.”

Yakapingula 16:12

Acino Delila atoola imyando ipya nga amunyepa. Pa nsita ilya walanga aina Filisti yatiyafisama mu muputule wa mukasikasi, nga Delila apunda ati, “Samusoni, wafwa aina Filisti ayayo!” Lelo wene atankola imyando ilya ku makasa yakwe kwati usavu.

Yakapingula 16:14

Alino Delila amulyombeleka mpaka amulalikizya. Alukinkanya na vimukule cinimbali ivya nyele zyakwe ku lukusa lwa wile. Alino avinyepenkanya ku lupopo nga nupya apunda ati, “Samusoni, wafwa aina Filisti ayayo!” Lelo Samusoni avwandamuka mu tulo nga avuta na vimukule atukwila kumwi nu lupopo.