Yakapingula 14:6 - Amazwi Yakwe Leza 2013

⁶ Umukupumikizya umupasi wakwe Yawe wikila panoli na maka cakuti akalema nu kukalepola ni minwe mitupu wakwe vino angalepola kambuzi. Lelo Samusoni atanenyile isi nanti nyina pali vino watacita.

Yakapingula 14:6 ပူးပေါင်းရင်းမြစ်များ

Masamu 91:13

Ulalyatola yacisama na yamufi, ulalyatola yacisama akalipisye ni nondo kwene.

Ezaya 42:2

Wene atalacita ivikanza, nanti ukulaizya izwi umu misolo.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Mateo 11:29

Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.

Ayebulai 11:33

Mu utailo amuno yene yalwisizye nu kucimvya impanga zyuze. Yene yacisile visuma nga yapokelela vino Leza wayalavile. Yene yayazile milomo yakwe yacisama,

1 Yoane 3:8

Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.

Yakapingula 11:29

Lyene Umupasi wakwe Yawe iwikila pali Yefuta. Nawe pali pakusalala impanga ya Gileadi na yakwe Manase, alino apita mu Mizipa uwaku Gileadi. Lyene ukufuma kuku aya ku kuzanza aina Amoni.

Yakapingula 13:25

nu Mupasi wakwe Yawe iutandika kumuomvya lino acili ku Maane Dani, pakasi kakwe Zola na Esyitaoli.

Yakapingula 14:19

Lyene mukupumikizya umupasi wakwe Yawe wikila na maka panoli. Alino atentemukila ku Asyikeloni, akuno aya akoma antu amakumi yatatu,

Yakapingula 14:5

Acino Samusoni atentemukila ku Timinaa, ale yali na akwasi yakwe. Lino yapalama ku vyalo vya matingi ivyaku Timinaa, auvwa kacilume kakwe cisama kakumung'anzila kala kakwiza kunoli.

Yakapingula 14:7

Lyene atentemuka aya alanzya umukazyana, nu kumutemwa amutemwa.

Yakapingula 15:15

Lyene Samusoni kuno ati, alola uluzekete lwakwe punda uwacifwile, nga alusola nu kukomelako antu izimbi lyonga.

Yakapingula 15:8

Alino ayazanza icikalale, akoma aingi wakwe cimwi. Lyene atentemuka aya aikala mwi cele mwi we lyaku Etamu.

Yakapingula 16:30

nga avwanga ati, “Kamfwile pamwi na ina Filisti!” Lyene azitensya na maka yakwe yonsi nga ing'anda ilya ikulu pali pakuponela intunguluzi zizi na antu yonsi ali mwenemo. Avino Samusoni wakomile antu avule pa mfwa yakwe ukuluta yano wakomile lino wali umumi.

Yakapingula 3:10

Umupasi wakwe Yawe iwikila panoli, nga nawe aya intunguluzi ya ina Izlaeli. Otinieli aya ku kulwa inkondo, nga Yawe aleka acimvya Kusyani Lisyataimu, umwene waku Mesopotamya.

1 Samueli 10:16

Saulo nawe pali pakunena isi umukalamba ati, “Kwene Samueli watunenyile apaswe ukuti yapunda yaloleka.” Lelo wene atanenyile isi umukalamba pamulandu wa wene uno Samueli wamunenyile.

1 Samueli 10:6

Umupasi wakwe Yawe umaya ukikile panuli na maka, nga nawe wayatandika ukusema pamwi nayo. Wayasanguka sile umuntu umwi muzemuze.

1 Samueli 11:6

Lino Saulo uvwa amazwi yao, Mupasi wakwe Leza iwikila panoli na maka nga asoka wakwe cimwi.

1 Samueli 14:1

Uwanda umwi Yonatani umwana wakwe Saulo anena umulumendo umusenda mpamba wakwe ati, “Twende tuye ku ina Filisti kuku ku lusansa luze.” Lelo Yonatani atanenyile isi,

1 Samueli 17:46

Uwanda kwene uu Yawe amakundemela. Namakucimvya nu kuputula umutwe wako. Nupya namapeela imili ya asilika ya ina Filisti ku vyunyi ni vinyama kuti vilye. Lyene amu nsi yonsi yalamanya ukuti umu mpanga ya ina Izlaeli mwaya Leza.