Yakapingula 14:17 - Amazwi Yakwe Leza 2013

¹⁷ Lelo umukazyana wilya alu kumulilila pa manda cinimbali ya cimulo. Acino pa wanda uwalenga cinimbali asuka amunena, pamulandu wakuti wamupamvizye sana. Alino umukazyana wilya aya anena aina Filisti muno kacole kalozile.

Yakapingula 14:17 ပူးပေါင်းရင်းမြစ်များ

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

Yobo 2:9

Alino umuci nawe ali pakutandika kumusinkola ati, “Uzye na ndakai ucili nu utailo? Si tuka sile Yawe pakuti ufwe, cisile nu kusila.”

Mapinda 7:21

Fwandi avino amutunka apa kumukolopezya vivyo, amukwetela ing'anda kasi apa kumuongola kwakwe apa kanwa.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Mika 7:5

Utataila mu mwinipamba, nanti ukusintilila muli cuza wako. Utekele pa mazwi yano ungavwanga nanti alilyo lino ukuvwanga ku wako.

Luka 11:8

Namunena ukuti nanti atangakatuke nu kumupeela cili consi pano wene acuza wakwe, lelo pamulandu wa muzonda wakwe wene angakatuka kuti amupeele consi cino akulonda.

Yakapingula 14:16

Acino umuci wakwe Samusoni aya kuli Samusoni ala akulila, nga amunena ati, “Fwandi wampata! Cumi kwene utantemwa, awe. Wacolekela antu yane akacole kano yatange yacolokolole.” Samusoni nawe amunena ati, “Ntatala nanena tata na mayo icintu ci. Uzye lyene wewe ninganena icintu cico?”

Yakapingula 14:18

Acino pa wanda uwalenga cinimbali lino ilanzi litali liwe aonsi amu musumba iyamunena yati, “Uzye icani icalyompa ukuluta uuci? Uzye icani icingakoma ukuluta cisama?” Samusoni nawe aasuka ati, “Imukana ukulalima na nyina ng'ombe wane, nalikwene ngano mucili ukwaula ukwilula.”

Yakapingula 16:13

Delila pali pakuilizyanya kuli Samusoni ati, “Nalikwene ucili ukuntumpika nu kuntumpoka. Napapata lyene si nene vino yangakunyepa.” Nawe aasuka ati, “Ndi waluka vimukule cinimbali uminkanyemo nu lukusa alino uvinyepelele ku lupopo, lyene ntangakwata amaka. Ningaya wa muntu ali wensi.”

Yakapingula 16:16

Walondekinye ukumuzya cila wanda, amwanola mpaka amutonsya pipi ni mfwa.

Yakapingula 16:6

Acino Delila anena Samusoni ati, “Napapata unene inkama ya cintu icalenga kuti ungakwata amaka vii. Uzye umwi angacita uli ndi akulonda ukukutonsya?”