Yakapingula 13:5 - Amazwi Yakwe Leza 2013

⁵ pamulandu wakuti ulasenda indilwa nu kuvyala umwana umonsi. Nupya umwana wiyo yatakatale yamupele inyele ku mutwe, pamulandu wakuti umulumendo wiyo alaya umwina Nazili, uwapaatwilwa Leza ukufuma ku kuvyalwa kwakwe. Wene alatandika ukutuula aina Izlaeli ku lucu lwa ina Filisti.”

Yakapingula 13:5 ပူးပေါင်းရင်းမြစ်များ

2 Samueli 8:1

Pa cisila ca nsita imwi, Davidi azanza aina Filisti, nga ayacimvya nu kuyapoka amaka akuteeka impanga.

1 Milandu 18:1

Pacisila ca nsita imwi, Davidi alwisya aina Filisti nu kuyacimvya. Alino apokolola aina Filisti amaka akuteeka umusumba wa Gati ni mizi iyazingulwike.

Amosi 2:11

Nupya nene nasolwile yamwi mu ana inu kuti yaye yakasema, nu kusolola yamwi mu alumendo inu kuti yaye Anazili. Uzye asi avivyo, mwe ina Izlaeli? Avino Yawe wavwanga.

Mpendwa 6:5

Mu nsita zyonsi zya cilayo cakwe cisi cakwezya kupisya ulwembe ku mutwe wakwe. Alinzile wasyala muziliziwe mu umi wakwe onsi. Inyele zyakwe zili nu kusyala vivyo kwene, pano kuli kulanga ukuti wapaatwilwa kuli Yawe

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Yakapingula 16:17

Acino Samusoni amuyulila inkama zyakwe zyonsi ati, “Yatatala yampela ku mutwe pamulandu wakuti nene Munazili mupaatulwe kuli Leza ukufuma ku kuvyalwa kwane. Ndi yampela ku mutwe, amaka yane yangafuma munondi, nga lyene ntangakwata amaka. Ningaya wa muntu ali wensi.”

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

1 Samueli 7:13

Acino aina Filisti yacimviwe nupya yatatazile iyaswilizya ukuzanza umu mpanga ya aina Izlaeli mu manda yonsi ya umi wakwe Samueli.