Yakapingula 13:3 - Amazwi Yakwe Leza 2013

³ Umungeli wakwe Yawe aloleka kunoli nga amunena ati, “Wewe ng'umba utakwata umwana, nga lelo ulasenda indilwa nu kuvyala umwana.

Yakapingula 13:3 ပူးပေါင်းရင်းမြစ်များ

Utandiko 17:16

Ndamupolelela nga nawe alakuvyalila umwana umonsi. Ndamupolelela alaya a nyina wa nko zyonsi. Mu mupanda wakwe mulafuma aene.”

Utandiko 18:10

Wenga uwa munoyali ati, “Ukufuma ndakai ndawela ndi myezi fundimbali yasila mwaka ukwiza, nga Sala umuci wako alavyala umwana umonsi.” Sala ala akukutika pa mulyango wi taalu kwi tundu lyakwe wino wavwanganga.

Utandiko 18:14

Uzye kwaya cimwi icatalila Yawe? Ndi vino mvwanzile ndawela pa nsita isontwe mwaka ukwiza, mu mwezi uwalenga fundimbali Sala alavyala umwana umonsi.”

2 Yamwene 4:16

Alino Elisya amunena ati, “Mwacizo, pa nsita ndi ikwene, ulafukatila umwana umonsi mu makasa yako.” Umwanaci wilya nawe avwanga ati, “Iye, musambazi! Wewe kasema wakwe Leza. Ala utantumpoka ne muomvi wako!”

Luka 1:11

Mungeli wa Mwene aloleka kuli Zakaliya, aimilila kwi kasa lilunji lya kavuwa kakocelapo ubani.

Luka 1:13

Lelo mungeli amunena ati, “Utoopa Zakaliya, pano ipepo lyako lyati lyuvwika. Muci wako Elizabeti alakuvyalila umwana umonsi, alino naawe ulamutemela izina uti a Yoane.

Yakapingula 13:10

Alino umwanaci wilya akumpeka kuyanena iya, ati, “Lola! Umonsi wilya uwalolike kunondi uwanda ulya wataloleka nupya!”

Yakapingula 13:15

Manoa anena umungeli wakwe Yawe ati, “Cingatuzipila kuti utale wikale mpaka tukwelekele akana ka mbuzi.”

Yakapingula 13:6

Lyene umwanaci wilya apita aya anena iya wakwe ati, “Umuntu wakwe Leza umwi wali wiza kunondi. Imilolekele yakwe ikoline ni ya mungeli wakwe Leza, iyakoofya wakwe cimwi. Ntamuzizye kuno afumile, nanti aliwe atanenyile izina lyakwe.

Yakapingula 13:8

Manoa pali pakupepa kuli Yawe, ati, “Napapata, we Yawe, sungaleka umuntu wakwe Leza wino waliwamutuma aize nupya kuli sweswe, pakuti atusunde vino tulinzile kucitila umulumendo wino alavyalwa.”

Yakapingula 2:1

Umungeli wakwe Yawe afuma ku Giligali aya ku Bokimu nga avwanga ati, “Namufumizye mu Eguputo nu kumutungulula ku mpanga ino nalavile kupeela ku vikolwe vinu. Mvwanzile inti, ‘Intalatala mfutatile upangano wane uno napangine namwe.

Yakapingula 6:14

Lyene Yawe amupeela ilamulo ati, “Katuka, pitanga na maka yako yonsi nga ukakulule aina Izlaeli ku ina Midyani. Nene nakutuma nemwisikulu.”

1 Samueli 1:20

Acino mukupita kwa nsita Hana asuka asenda indilwa nga aca avyala umwana umonsi. Alino atemela umwana wilya izina ati a Samueli, ala akuti, “Pamulandu wakuti namulenzile sile kuli Yawe.”