Yakapingula 13:20 - Amazwi Yakwe Leza 2013

²⁰ icimbilimbili ca moto icitumukila mupela umwiyulu ukufuma pa kavuwa kaka, nu mungeli wakwe Yawe akwela mu cimbilimbili ca moto. Alino Manoa nu muci, apakulola cii, iyapona pansi yafupime.

Yakapingula 13:20 ပူးပေါင်းရင်းမြစ်များ

Utandiko 17:3

Lyene Abulamu afukama pansi afupime, nga Leza amunena ati,

2 Yamwene 2:11

Lino yakupita ala yafumile yakulanda, lilyo kwene iceleta lya moto iliiza lino imfwalasi zyamoto zyazusile zikutinta. Alino lisenda Eliya umwiyulu muli nkungulupya.

1 Milandu 21:16

Davidi asanzula amanso nga alola umungeli wakwe Yawe aimi pakasi ki yulu ni nsi, ala alemile nu lupanga umwi kasa lyakwe nu kulusonta ku Yelusalemu. Lyene Davidi na ikolo yamwi, azwite insalu zyakulanga ulanda, yafupama pansi.

1 Milandu 21:21

Lyene lino Davidi wapalama ukufika apaali Alauna, Alauna wiyo asanzula amanso nga amulola, asya ulwano lwa kupuulila nga aya akontama inkolelo yakwe Davidi ala ni cinso cakwe caticikumya umusili.

1 Milandu 21:26

Davidi akuulila Yawe kavuwa kuku kwene nga aocelapo amawila yakoca na autandano. Apepa kuli Yawe, nga Yawe nawe amwaasuka apakutuma umoto ukufuma mwiyulu, nga uponela pa kavuwa ka mawila yakoca.

Masamu 47:5

Awiyo Leza waya uku kwikala pa cilimba ca wene! Yakumumila utupundu, yakulizya ni ntandala!

Ezekelo 1:26

Papela ya cimpingizya pali cimwi calolekanga wa kaliwe kayengese kamutengo, akali wa cilimba ca wene. Alino papela yakwe cico, icikoline wa cilimba ca wene, apapela sile, pali uwalolekanga wa muntu ukuya papela.

Ezekelo 1:28

Pakulola uluswepo ulwazingulwike icali wa mulalamfuti mu makumbi mu nsita ya cisiku. Ni cintu cico calolike wa ucindami wakwe Yawe. Apakulola cico, impona pansi mfupime, nga nuvwa ni zwi lyakwe wiyo akulanda.

Danieli 10:9

Lyene lino nuvwile izwi lyakwe, impona pansi umu tulo utukulu, ala nu usyu wane ulozizye pa musili.

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

Mateo 17:6

Lino alondezi yuvwile izwi, yuvwa intete cuze cakuti yapona pansi yafupime.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Yakapingula 6:19

Acino Gidyoni aya aingila mu ng'anda yakwe, aeleka akambuzi, alino atoola amakilogalamu ikumi ya usu wa ngano nga apanga umukate usi na citutumusi. Alino aika inyama ilya mu cimponda nu musunyi awika mu mpoto, avileta ku mungeli wakwe Yawe umwisika lya muti uno yakati muoko, nga amupeela.

Yakapingula 6:21

Lyene umungeli wakwe Yawe avungulula ikasa lyakwe nga akatusya insongo ya ntuwa ino walemile, akumya ku nyama nu ku mukate usi na citutumusi. Alino umoto iufuma mwi we nu koca inyama yonsi kumwi nu mukate. Lyene umungeli wilya pali pakongoloka.