Yakapingula 13:12 - Amazwi Yakwe Leza 2013

¹² Caleka Manoa amuuzya ati, “Lino amazwi yako yalafikiliziwa, uzye umwana wilya alasundwa uli nupya ivyani vino wene alacita?”

Yakapingula 13:12 ပူးပေါင်းရင်းမြစ်များ

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Masamu 143:8

Undole uluse luse cila katondo, pano awewe sile nataila. Undangilile inzila umwakupita, pano umwenzo wane waya sile kunuli.

Mapinda 22:6

Sambilizya umwana inzila yakupitamo. Lino alakota atalafuma mwenemo.

Mapinda 4:4

yatata yansambilizyanga na mazwi ala yakuti, “Uwake umu mwenzo wako vyonsi vii vino nkukunena, usunge amasunde yane, pakuti uye nu umi.

Efeso 6:4

Mwe yakwasi namwe mutasosya ana inu, lelo mwayakuzya mu kuyasunda nu kuyasambilizya kwa wina Klistu.

Yakapingula 13:11

Manoa akatuka lili kwene nu kulondelela umuci. Lino wiza apali umuntu wilya, amuuzya ati, “Uzye awewe wino mwalandine nu muci wane?” Alino nawe aasuka ati, “Anene kwene.”

Yakapingula 13:13

Umungeli wakwe Yawe aasuka ati, “Umuci wako alinzile asininkizye ukuti wacita vyonsi vino namunenyile kucita.