Yakapingula 13:1 - Amazwi Yakwe Leza 2013

¹ Nupya kwene aina Izlaeli iyiifya pa manso yakwe Yawe. Caleka Yawe ayapeela mu makasa ya ina Filisti pa myaka amakumi yani.

Yakapingula 13:1 ပူးပေါင်းရင်းမြစ်များ

Yelemiya 13:23

Uzye umwina Kusyi angasenula inkanda yakwe? Nanti uzye inangu ingasenula amaala yakweyo? Ndi cingaya vivyo ale lyene namwe kwene mwemuno mwikalila ukucita vya winyi mungata ukucita iviipe mutandike nu kucita visuma.

Loma 2:6

Pano Leza alalambula cila muntu kulingana ni milimo yakwe.

Ayebulai 11:32

Uzye vyuze vino ningalanda vyani? Nati nulilwa insita yakulanda pali Gidyoni, Balaki, Samusoni, Yefita, Davidi, Samueli na yakasema.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 10:7

Acino Yawe pali pakusokela aina Izlaeli, nga aleka kuti aina Filisti na ina Amoni yayacimvye.

Yakapingula 12:15

Lyene Abadoni umwana wakwe Hileli afwa, nga iyamuzika ku Pilatoni mu mpanga yakwe Efulemu, impanga iya ina Amaleke ya myamba.

Yakapingula 14:4

Nga lelo akwasi yakwe yatamanyile ukuti icintu cico cikufuma kuli Yawe, pano umuli muno Yawe walondanga umwakusonkela aina Filisti. Pasi pano pa nsita ilya aina Filisti yateekanga aina Izlaeli.

Yakapingula 15:11

Acino antu amazimbi yatatu afumile ku mpanga yakwe Yuda iyatentemukila kwi cele lyaku Etamu nga iyaya iyanena Samusoni yati, “Uzye utamanya ukuti aina Filisti yakatuteeka? Fwandi icintu camusango ci cino watucitila?” Samusoni nawe aasuka ati, “Nemo nayacitile sile vino yancitile.”

Yakapingula 15:20

Samusoni watungulwile aina Izlaeli pa myaka amakumi yaili mu manda ya ina Filisti.

Yakapingula 2:11

Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yakapingula 3:7

Aina Izlaeli yilila Yawe Leza wao, yiifya kunoli nu kupepa Baali na Asyela, tuleza tuluwi tutu.

Yakapingula 4:1

Pacisila ca kufwa kwakwe Eudi, aina Izlaeli nupya kwene yiifya kuli Yawe.

Yakapingula 6:1

Nupya kwene aina Izlaeli yiifya kuli Yawe. Caleka Yawe aleka aina Midyani iyayateeka pa myaka cinimbali.

1 Samueli 12:9

“Lelo yene yilile Yawe Leza wao. Icaleka wene ayapeela mu makasa yakwe Sisela, musika mukalamba uwa vita vya mwene waku Hazoli, nu mu makasa ya ina Filisti, nu mu makasa ya mwene wa ina Moabu, yayo yonsi ayalwisizye.

1 Samueli 4:9

Si mungala musipe, muposye iconsi. Pano ndi cisi vivyo Ayebulai yaa yamamutekanga uzya wakwe vino mwemo mwayateesile. Fwandi posyini iconsi, nu kulwa!”

1 Samueli 7:13

Acino aina Filisti yacimviwe nupya yatatazile iyaswilizya ukuzanza umu mpanga ya aina Izlaeli mu manda yonsi ya umi wakwe Samueli.