Yakapingula 12:8 - Amazwi Yakwe Leza 2013

⁸ Pacisila cakwe Yefuta, Ibizani uwaku Betelemu uwizile aya katungulula wa ina Izlaeli.

Yakapingula 12:8 ပူးပေါင်းရင်းမြစ်များ

Utandiko 15:19

impanga ya ina Kenite, ya ina Kenizi, ya ina Kedimoni,

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Mateo 2:1

Pacisila lino Yesu wavyalwa mu musumba wa Betelemu mu Yudeya, mu manda yalya lino Helodi wali umwene, antu yamano amanyanga vintu mu kusambilila pa ntanda yafuma ku ufumondaka, iiza ku Yelusalemu.

Yoswa 19:15

nu ku Katati, nu ku Naalali, nu ku Syimuloni, nu ku Idala nga na Betelemu. Yonsi pamwi yali imisumba ikumi na iili ni mizi yakweyo.

Yakapingula 10:1

Pacisila ca mfwa yakwe Abimeleki, Toola umwana wakwe Puwa nu mwizikulu wakwe Dodo aiza ku kukulula aina Izlaeli. Wene wafumile mu mutundu wakwe Isakali nga wikalanga ku Syamili mu mpanga ya myamba yakwe Efulemu.

Yakapingula 12:7

Yefuta watungulwile aina Izlaeli pa myaka mutanda. Lyene pacisila Yefuta afwa, nga iyamuzika mu musumba wakwe mu Gileadi.

Yakapingula 12:9

Wene wakweti ana aonsi amakumi yatatu na anaci amakumi yatatu. Wene watwalizye ana yakwe anaci ku onsi angolongolo, nga alonda na akazyana angolongolo amakumi yatatu akuti yasakwe ku ana yakwe aonsi. Ibizani wateesile aina Izlaeli pa myaka cinimbali.

Yakapingula 17:7

Kwali kweneko umulumendo umwi umwina Levi uwamu mutundu wakwe Yuda. Wene wafumile ku Betelemu mu mpanga yakwe Yuda.

Yakapingula 19:1

Mu manda yalya lino aina Izlaeli yatali yakwate umwene, umwina Levi uwikalanga mu mpanga ya myamba yakwe Efulemu atoola umuci namuze ukufuma ku Betelemu mu mpanga yakwe Yuda.

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”