Yakapingula 12:6 - Amazwi Yakwe Leza 2013

⁶ Nayo iyamunena yati, “Icisuma yame, ale landa uti, ‘Shiboleti.’ ” Ndi cakuti wavwanga wati, “Syiboleti,” pamulandu wakuti atange alande izwi ningo, lyene yene iyamulema nu kumukoma papa kwene api lambwa lya Luzi lwa Yodani. Pa nsita ilya amu mutundu wakwe Efulemu akomilwe yali amazimbi amakumi yani na yaili.

Yakapingula 12:6 ပူးပေါင်းရင်းမြစ်များ

Masamu 69:15

Utaleka mulamba antuwizye, utaleka ntuwile api tenga nanti nzikwe umwi lindi.

Masamu 69:2

Natinatuwila umu lutikiti uluzike wakwe cimwi. Pasi nanti pamwi apakulyata apa komile. Indi api ziya umucumi. Amayimbi nayo yali umupipi nu kwiza ntuwizya.

Mapinda 17:14

Ukutandika ukuloolola umulandu ali kuleta mulamba. Fwandi, lesya ukuloolola lino kutacili kwatampa.

Mapinda 18:19

Uwazwilizye anyonko, nga nayo yalakucingilila wa musumba wi linga. Lelo ndi cakuti mwalemanila nayo, ale lyene yatalakuzengela umu mwao.

Kasambilizya 10:12

Ivilandwa vya muntu wa mano vikamuletela ucindami. Lelo ivilandwa vya ciwelewele vikaciletela umusaalula.

Ezaya 27:12

Mu wanda ulya Yawe alakolonganika antu yakwe ukutandikila sile ku luzi Yufulate, ukuyapelela kuli nande waku Eguputo. Wene alayapaatulula wenga wenga ndi vino yakaelulula ingano ukufuma mu vinkapala.

Mateo 12:25

Lelo Yesu lino wamanya vino yakwelenganya ayanena ati, “Antu amu wene uli onsi ndi yakatukilana aisikulu nu kuilwisya, lyene uwene uwo ulawa. Na amu musumba uli onsi nanti amu ng'anda ndi yakatukilana aisikulu nu kuilwisya, yene yalapaatukana.

Mateo 26:73

Lino papita kasita kanono yano aimi pipi yapalama kuli Petulo, yamunena yati, “Cumi nawe kwene wewe uwa munoyali, pano milandile yako ikukusinila.”

Mako 14:70

Lelo Petulo akana nupya. Lino papita kasita kanono yano aimi pipi nupya yanena Petulo yati, “Cumi, nawe kwene wewe uwa munoyali, pano wewe waku Galile.”

Galatiya 5:15

Lelo ndi micitile inu yaya wa micitile yanyama, kulwisyanya nu kucisana, mucenjele pano limwi mungasila kuyonona.

Yakapingula 12:5

Alino aina Gileadi iyaya yatengamila api lambwa lya Luzi lwa Yodani, umungafyontela aina Efulemu. Lino umwina Efulemu ali wensi wino wutuka wiza ku kulamba ndi wavwanga wati, “Lekini ndambe,” ale aina Gileadi yamamuzya yati, “Uzye wewe uwamu mutundu wakwe Efulemu?” Ndi cakuti wene waasuka wati, “Awe.”

Yakapingula 12:7

Yefuta watungulwile aina Izlaeli pa myaka mutanda. Lyene pacisila Yefuta afwa, nga iyamuzika mu musumba wakwe mu Gileadi.