Yakapingula 12:5 - Amazwi Yakwe Leza 2013

⁵ Alino aina Gileadi iyaya yatengamila api lambwa lya Luzi lwa Yodani, umungafyontela aina Efulemu. Lino umwina Efulemu ali wensi wino wutuka wiza ku kulamba ndi wavwanga wati, “Lekini ndambe,” ale aina Gileadi yamamuzya yati, “Uzye wewe uwamu mutundu wakwe Efulemu?” Ndi cakuti wene waasuka wati, “Awe.”

Yakapingula 12:5 ပူးပေါင်းရင်းမြစ်များ

1 Yamwene 11:26

Umuntu namuze uwakatukile umwene Solomoni wali a Yeloboamu, umwana wakwe Nebati uwamu mutundu wakwe Efulemu, waku Zeleda. Wali awenga uwamu nkombe zyakwe Solomoni, wino nyina wali a Zeluya, uwali mukamfwilwa.

Yoswa 2:7

Acino inkombe zizi izitenuka izilondelelela inengu zizi ku ntunga yi lambwa lya Luzi lwa Yodani, nga lilyo kwene lino zyapita antu yayala impongolo ya musumba.

Yoswa 22:11

Aina Izlaeli asile iyuvwa ukuti amu mutundu wakwe Lubeni, na wakwe Gadi, nga nu mutundu pakasi wakwe Manase yatiyakuula kavuwa pa mupaka wa Kenani pa Geliloti, pipi nu Luzi lwa Yodani ku mbalama ya ina Izlaeli.

Yakapingula 12:4

Yefuta pali pakuya konganika aina Gileadi nga iyalwisya aina Efulemu, nga aina Gileadi iyacimvya amu mutundu wakwe Efulemu pamulandu wakuti aina Efulemu yavwanzile yati, “Mwe ina Gileadi mwemwe mbutusi izyafumile pakasi ka ina Efulemu na ina Manase.”

Yakapingula 12:6

Nayo iyamunena yati, “Icisuma yame, ale landa uti, ‘Shiboleti.’ ” Ndi cakuti wavwanga wati, “Syiboleti,” pamulandu wakuti atange alande izwi ningo, lyene yene iyamulema nu kumukoma papa kwene api lambwa lya Luzi lwa Yodani. Pa nsita ilya amu mutundu wakwe Efulemu akomilwe yali amazimbi amakumi yani na yaili.

Yakapingula 17:7

Kwali kweneko umulumendo umwi umwina Levi uwamu mutundu wakwe Yuda. Wene wafumile ku Betelemu mu mpanga yakwe Yuda.

Yakapingula 3:28

Ayanena ati, “Ndondelini! Yawe watamupeela ucimvyo pa anisi inu, aina Moabu.” Acino iyalondela Eudi, iyatentemuka nu kupoka ilambwa lwa Luzi lwa Yodani pano aina Moabu yali nu kulambila. Yatatile umuntu nanti wenga kuti alambe.

Yakapingula 7:24

Gidyoni atuma inkombe konsi ku mpanga yakwe Efulemu, ya myamba, yakalande yati, “Tantamukini nu kwiza lwisya aina Midyani. Muyacilikizye konsi ukuli amanzi lino yatacili yafike kweneko. Muye ku ncende zyonsi ukufika nu ku Beti Bala, nu ku Luzi lwa Yodani kwene.” Awe mukwai aina Efulemu yene iyafika iyandalila ni ncende zya manzi zyonsi ukufika ku Betibala nu ku Luzi lwa Yodani kwene.

1 Samueli 1:1

Kwali umuntu umwi uwamu mutundu wakwe Efulemu, izina lyakwe wali a Elikana. Wikalanga mu musumba uwamwangwa Lamataimu. Wene wali umwina Zufi uwafumile ku mpanga yakwe Efulemu, impanga iya myamba. Wene wali umwana wakwe Yeloamu, umwana wakwe Eliu, umwana wakwe Tou, umwana wakwe Zufi, umwina Efulemu.