Yakapingula 11:39 - Amazwi Yakwe Leza 2013

³⁹ Pacisila ca myezi iili, awela kuli isi nga nawe amucitila wakwe vino walafile nu mulapo. Wene wali umukazyana atatala wamanya umonsi. Ukwafuma nu lutambi lwa ina Izlaeli

Yakapingula 11:39 ပူးပေါင်းရင်းမြစ်များ

2 Milandu 35:25

Kasema Yelemiya wasisile ulwimbo lwa ndosya ulwakulosezya Yosiya. Lulo luno yakiimba ya nyimbo aonsi na anaci yakaimba ukufika uwanda wilelo umu mpoma zyao umu kulosya Yosiya. Uo uli mwata wa ina Izlaeli, nu lwimbo lulo lukazanwa umu lupapulo lwa ndosya.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Malango 12:31

Cisi cakwezya ukupepa Yawe Leza winu mu musango wao, pamulandu wakuti yene pa kupepa tuleza twao yakacita ivimisango vimwi ivyawinyi vino Yawe Leza winu wapata. Yene yakaoca na ana yao aonsi na anaci pa kuyatuula impolelwa kuli tuleza twao utuluwi.

Yakapingula 11:31

ale iciumbwa icili consi cino cilatandika ku nkomenkanya lino ndawela ku kucimvya aina Amoni cilaya icakwe Yawe, nupya cili cino ndapeela wa wila wakoca kunoli.”

Yakapingula 11:38

Isi nawe amunena ati, “Ungapita.” Alino amuta apita pa myezi iili. Apita pamwi na auze mu myamba nu kulilila pa lwakufwa ni cisungu cakwe.

Yakapingula 11:40

ulwakuti cila mwaka akazyana amu Izlaeli yalinzile yaya mu myamba pa manda yani ku kulosya umwana kaci wakwe Yefuta umwina Gileadi.

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

1 Samueli 1:22

Hana wene ataile kweneko. Wene wanenyile iya ati, “Alala umwana walumuka, alino ndiza nawe kuko pakuti inkamupe kuli Yawe. Lyene alikalilila kuku kwene.”

1 Samueli 1:24

Pacisila lino umwana wilya walumwike, Hana amusenda, nga asenda na cipambasi uwa myaka itatu, nu usu wa ngano ukulingana na makilogalamu ikumi lyonga na waini, nga amuleta ku ng'anda yakwe Yawe ku Syilo.

1 Samueli 1:28

Acili cino fwandi nani namupeela kuli Yawe. Pa manda yonsi yano alikala pano nsi, wene amapaatwilwa Yawe.” Avili vino nayo iyapepa Yawe kuku.

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.