Yakapingula 11:35 - Amazwi Yakwe Leza 2013

³⁵ Lino Yefuta wamulola, alepola ivyakuzwala vyakwe nga apunda ati, “Uwi, mwanane! Wandetela amalanda nu kunyunguluka, pamulandu wakuti natindaya nu mulapo kuli Yawe uno ntangemfutuke!”

Yakapingula 11:35 ပူးပေါင်းရင်းမြစ်များ

2 Samueli 18:33

Umwene anyomelwa cuze na malanda. Alino aya ku muputule ukupuzya pa wingililo, nga alila. Lino akupita ale akupunda ati, “Iye umwana wane Abusalomu, umwana wane Abusalomu! Si cange cizipe nene imfwe ukuluta kuti wewe ufwe, we mwana wane Abusalomu, we mwana wane!”

2 Samueli 3:31

Davidi pali pakunena Yoabu na antu yakwe yonsi ukulepola ivyakuzwala vyao nu kuzwala amasaka pa kulosya Abineli. Alino pa ndosya kwene iyo, umwene Davidi umwisikulu walondelanga pacisila ca cala.

Yobo 1:20

Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

Masamu 15:4

Awiyo wino akalolekesya umwipe ni misuula, lelo akacindika nu kutontela Leza. Wino ndi walapa asifutuka, nanti angailetelela umweneco.

Masamu 66:13

Nkukuletela uku ng'anda ukwako impolelwa zyakoca, nkukutuula vino nakulavile.

Masamu 66:14

Nkukupeela vino natiile indakupeela, lino nali umu ucuzi.

Mpendwa 14:6

Nga Yoswa umwana umonsi wakwe Nuni na Kalebu umwana wakwe Yefune, yao ali pali yano yaile ku kwendezya impanga, iyalepula vyakuzwala vyao pakulanga ulanda,

Milimo 23:14

Lyene yaya kuli yasimapepo akalamba na ikolo, yayanena yati, “Swemo twali twalaya nu mulapo ukuti tutangalya nanti kumwa suka tukome Paulo.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.