Yakapingula 11:32 - Amazwi Yakwe Leza 2013

³² Lyene Yefuta alamba ku kulwisya aina Amoni, nga Yawe ayapeela mu makasa yakwe.

Yakapingula 11:32 ပူးပေါင်းရင်းမြစ်များ

Yakapingula 1:4

Lyene lino antu yakwe Yuda yalwisya, Yawe nawe aleka iyacimvya aina Kenani na ina Pelizi, nga iyacimvya antu ukulingana na mazimbi ikumi ku Bezeki.

Yakapingula 11:31

ale iciumbwa icili consi cino cilatandika ku nkomenkanya lino ndawela ku kucimvya aina Amoni cilaya icakwe Yawe, nupya cili cino ndapeela wa wila wakoca kunoli.”

Yakapingula 11:33

Nawe ayacimvya nu kuyakomola ukufuma ku Aloeli ukufika pipi nu ku Miniti, atoola imisumba amakumi yaili, ukufika nu ku Abeli Kelamimu. Avino Izlaeli wacimvizye aina Amoni.

Yakapingula 2:16

Alino lyene Yawe ayapeela intunguluzi izyakuti zyayataasya lino yazanzwa na azanzi yalya.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Yakapingula 3:10

Umupasi wakwe Yawe iwikila panoli, nga nawe aya intunguluzi ya ina Izlaeli. Otinieli aya ku kulwa inkondo, nga Yawe aleka acimvya Kusyani Lisyataimu, umwene waku Mesopotamya.