Yakapingula 11:27 - Amazwi Yakwe Leza 2013

²⁷ Ala mwine nemo ntakutala nanti cimwi, lelo wewe ukwifya kunondi pa kunkatusizya inkondo. Si angala Yawe, kapingula aliwe apingule pa ina Izlaeli na ina Amoni ilelo.”

Yakapingula 11:27 ပူးပေါင်းရင်းမြစ်များ

Utandiko 16:5

Salai avwanzya Abulamu ati, “Wewe ukulenga kuti Haga angansoweka nu kuntumfya. Nemwisikulu nakupiile muzya wi. Lelo lino wene wamanya ukuti watasenda indilwa wataya ni misuli kunondi. Si Yawe ka aliwe apingule umulandu witu, wapali wewe nani!”

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

Utandiko 31:53

Leza wakwe Abulaamu na Leza wakwe Nawoli yali nu kupingula panotuli.” Lyene Yakobo alapa mwi zina lyakwe Leza wino wapepanga, Leza wakwe isi Isaki.

2 Milandu 20:12

Wewe, we Leza witu kwati utangayapezya? Swemo tutakweti amaka akucimvyanya ni ciliumba icitaikulila wakwe cii icikutulwisya. Tutakweti ivyakucita pano amanso itu yasintilile kunuli.”

Yobo 23:7

Angatala andole ukuti kwene umuntu wi akuilolwela umu ufumacumi! Ali cino fwandi, kapingula wane angasuka anjele mizu.

Yobo 9:15

Nanti ningaya uwakaele, nemo ntange naasukane na Leza. Ndinzile ukulenga sile uwelelo kuli kapingula wane.

Masamu 50:6

Amayulu yakalaizya ulungami wakwe Leza pano aliwe kwene, ali kapingula!

Masamu 7:11

Leza wene akapingula umololoke, wene akapeela nu mulandu kuli yakaluvyanya.

Masamu 75:7

Lelo akuli Leza sile wenga ali kuno ukafuma, aliwe akacefya yamwi nu ku kuuzya yamwi, nu kufipilila wensi pyu!

Masamu 82:8

Katuka, we Leza, nduteeke insi yonsi ya pano pansi, pano antu ya mitundu yonsi akwako.

Masamu 94:2

We mupinguzi wa antu yonsi, katuka upezye avilumba, ukulingana ni vicitwa vyao!

Masamu 98:9

apa manso yakwe Yawe, pano wataiza uku kulolwesya insi. Alapingwila insi pano yapelela umu kulungika, nga ni mitundu yonsi nayo umu ulungi wakwe.

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Kasambilizya 12:14

Endi, Leza alatupingula pa vintu vyonsi vino tukacita, cisi cimwi viye ivisuma nanti iviipe, nanti ivintu ivyacitwa mu nkama.

2 Kolinto 11:11

Uzye pacani cino nalandila vii? Uzye kuli kuti ntamutemwa? Leza wamanya kuti namutemwa.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Yakapingula 11:28

Lelo umwene wa ina Amoni atasumvile amano ku mazwi yano Yefuta wamutumile.

1 Samueli 2:10

Anisi yakwe Yawe yalaloviwa lilyo lino alayafokela nu ukali wakwe, ukufuma kwiyulu ungati ukupangalansya. Yawe aliwe alapingula antu yonsi. Wene alapeela amaka ku mwene nu kulenga kuti wino wasolola aye kacimvya.”

1 Samueli 24:12

Si Yawe ale apingule pakasi kakwe wewe nani. Lelo nanti angala wene amandandwila, ntalatala nkucitile iciipe icili consi.

1 Samueli 24:13

Wakwe vino umuvwango wampiti ukati, ‘Umuti wiipe ukaseeka ivizao iviipe,’ acino ntalakucitila cimwi iciipe.

1 Samueli 24:15

Si Yawe aye kapingula witu nga atupingwile umulandu. Si ale apituluke mu mulandu wane, ampokolole nu kuntuula kuli wewe.”

1 Samueli 24:16

Lino Davidi wamala ukuvwanga, Saulo amuuzya ati, “Uzye icumi kwene awewe, Davidi umwana wane umonsi?” Nga Saulo atandika ukulila nu kupooma.