Yakapingula 11:18 - Amazwi Yakwe Leza 2013

¹⁸ Lyene alino yakatwike nu kupita mu lwanga, iyapambata impanga ya ina Edomu ni ya ina Moabu, iyapita ku ufumondaka wa mpanga ya ina Moabu, nga iyakuula insakwe mu mbali ya Luzi lwa Alinoni. Yatingile mu mpanga ya ina Moabu, pano Luzi lwa Alinoni ali mumpaka na mpaka.

Yakapingula 11:18 ပူးပေါင်းရင်းမြစ်များ

Mpendwa 20:22

Lyene aina Izlaeli yonsi yatenuka yafuma ku Kadesyi ku Mwamba wa Holi,

Mpendwa 22:36

Lino Balaki uvwa ukuti Balamu akwiza, akatuka aya ku kumukomenkanya ku Ali, umusumba ukulu uwaku nkumba ya Luzi lwa Alinoni mu mupaka waku Moabu.

Malango 2:18

‘Ilelo mumapita musalale mu mpanga ya ina Moabu, mulondele umuseo uno walungama ku Ali.

Malango 2:24

“Pacisila cakupita ukusalala mu mpanga ya Moabu, Yawe watunenyile ati, ‘Lyene tenukini nga mulambe Luzi lwa Alinoni. Namapeela mu makasa inu Siooni umwina Amoli, umwene waku Hesyiboni, kumwi ni mpanga yakwe. Yangini mukamuzanze mupoke impanga yakwe mwikale mwenemo.

Malango 2:9

Alino lyene Yawe wanenyile ati, ‘Mutezya ukucuzya aina Moabu, amu mupanda wakwe Loti, nanti ukuyasonka kuti mukatusye inkondo mulwe nayo. Yene nayapeela umusumba wa Ali, nupya ntalamupeela impanga yao ili yonsi.’ ”