Yakapingula 11:10 - Amazwi Yakwe Leza 2013

¹⁰ Intunguluzi zyamu Gileadi zimunena iziti, “Yawe ali kambone witu. Cumi kwene tulacita wakwe vino uvwanzile.”

Yakapingula 11:10 ပူးပေါင်းရင်းမြစ်များ

Utandiko 16:5

Salai avwanzya Abulamu ati, “Wewe ukulenga kuti Haga angansoweka nu kuntumfya. Nemwisikulu nakupiile muzya wi. Lelo lino wene wamanya ukuti watasenda indilwa wataya ni misuli kunondi. Si Yawe ka aliwe apingule umulandu witu, wapali wewe nani!”

Utandiko 21:23

Caleka laya nu mulapo pa manso yakwe Leza ukuti utalantumpika, nene nanti ana yane, nanti amu mupanda wane. Nemo indi uwakutailwa kunuli, caleka nawe kwene laya ukuti umayanga uwakutailwa kunondi nu ku mpanga yane kwene ino utenzimo wa mwinamasi.”

Utandiko 31:50

Nupya Labani ati, “Ndu lacuzya ana yane anaci nanti kutwala anaci yauze, nanti angala umuntu umwi asi naswe pano, waiusya ukuti Leza ali kambone pakasi kakwe wewe nani.”

Utandiko 31:53

Leza wakwe Abulaamu na Leza wakwe Nawoli yali nu kupingula panotuli.” Lyene Yakobo alapa mwi zina lyakwe Leza wino wapepanga, Leza wakwe isi Isaki.

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Yelemiya 42:5

Lyene iyanena Yelemiya iyati, “Yawe angala aye akambone uwacumi, uwakutusinila, ndi cakuti twakana ukucita ukulingana nizwi lyonsi lino Yawe Leza wako amatutumila ukupitila umu kanwa kako.

Mika 1:2

Uvwini, mwe antu amu mitundu yonsi, Si tezyini mwe antu mwensi, mwemuno mukaikala pano nsi. Yawe Wamaka yonsi ali mu Ng'anda yakwe ikulu, nga akumusinila pa milandu inu.

Zakaliya 5:4

Yawe Wamaka yonsi wavwanga wati, “Ulutipu luu ndaluponyezya umu ng'anda ya muntu wensi umwivi, nga nu mu ng'anda ya muntu wensi wino akalapa ufi. Lwene lulasuka lwikalilile mu mang'anda yao nu konona vyonsi vino yakuulilwako.”

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Loma 1:9

Leza ali kambone wane, wino nkatumikila nu mwenzo wane onsi pa kukosola Ilandwe Lisuma lya Mwana wakwe. Leza amanyile vino nkamutaka manda onsi mu mapepo yane.

2 Kolinto 11:31

Leza Isi wa Mwene witu Yesu, alumbanyiwe manda pe. Nupya wene amanyile ukuti nsyakutumpoka!

Malango 1:16

“Pa nsita ilya nakonkomizye yakapingula inu inti, ‘Mwauvwa imilandu ino antu inu yamaletanga kunomuli. Mulinzile kupingula cila mulandu ukwaula ulufyengo, cisi cimwi ndu mulandu uli pakasi ka antu inu nanti ndi uli pakasi kinu na inamasi yano yakwikala namwe.

Yakapingula 11:9

Yefuta ayanena ati, “Ndi mwansenda ku kulwisya aina Amoni, na Yawe ayapeele mu makasa yane, lyene ndinzile kuya intunguluzi inu.”

1 Samueli 12:5

Samueli nawe ayanena ati, “Yawe pamwi nu mwene wino watasonta ali kambone akupeela umboni uwakuti mutanzanyile nu mulandu uli onsi.” Nayo yavwanga iyati, “Endi, wene akambone.”

1 Samueli 24:12

Si Yawe ale apingule pakasi kakwe wewe nani. Lelo nanti angala wene amandandwila, ntalatala nkucitile iciipe icili consi.