Yakapingula 10:6 - Amazwi Yakwe Leza 2013

⁶ Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 10:6 ပူးပေါင်းရင်းမြစ်များ

1 Yamwene 11:33

Ndacita vivyo pamulandu wakuti Solomoni wiyo wamfutatila, atatandika nu kupepa Asyitaloti, kaleza kanaci ka ina Sidoni, na Kemosyi, kaleza kanaci ka ina Moabu, alino na Moleki, kaleza ka ina Amoni, Solomoni wata ukuntontela. Wene akucita ivintu vya winyi nupya asikusunga amasunde yane ni vyeo vyane wakwe vino isi Davidi wacitanga.

1 Yamwene 11:5

Solomoni wiyo casuka camutwala ku kupepa Asyitaloti, kaleza kanaci ka ina Sidoni, na Moleki, kaleza ka winyi aka ina Amoni.

1 Yamwene 11:7

Solomoni asuka akuula incende yakupepelapo papela ya mwamba lwaku ufumondaka wakwe Yelusalemu, apa kupepela Kemosyi, kaleza kaluwi ka ina Moabu. Alino na pakupepela Moleki, kaleza kaluwi ka ina Amoni.

1 Yamwene 16:31

Wene walondesyanga ukwifya ukuluta vino Yeloboamu wifizye. Acino wapitilizye ukwifya pakutwala Yezebele umwana umwanaci wakwe Etibaali umwene wa ina Sidoni, nu kutandika kupepa Baali.

2 Yamwene 17:16

Yonona amasunde yakwe Yawe Leza wao yonsi, yapanga ivimumbwa vya ng'ombe, yacipambasi yaili avyela, avino yamafukamila nu kupeela ntaizyo kuno vili. Yapanga nu unkolanya wakwe kaleza kanaci ka Asyela, nu kupepa intanda nu kuombela Baali.

2 Yamwene 23:13

Yosiya aomola incende zyaku pepela mwenemo utuluwi utwayelile lwaku ufumondaka wa musumba wa Yelusalemu lwaku kaeya ka mwamba ukaamwa ukuti Mwamba wa Miolivi, muno yapepelanga utuluwi twawinyi utuli wakwe Asyitaloti, kaleza kanaci aka ku Sidoni, Kemosyi, kaleza kaku Moabu, na Moleki, kaleza ka ina Amoni.

2 Milandu 28:23

Apela impolelwa kuli tuleza twaku Damasiko, utwamucimvizye. Pasi pano wene welenginye ati, “Pamulandu wakuti tuleza twa ene aku Alamu twatituyazwa, nani namapeela impolelwa kunotuli apakuti tungazwe.” Lelo tuleza tuto utwamuletelile wononesi, ituletelela na ina Izlaeli yonsi.

Masamu 106:36

Yatumikila nu tuluwi twao, tuto utwayafutukile ituya wa nkose.

Ezaya 23:4

Iye mwe we musumba Sidoni, ala wazewana. Pano yemba kumwi na maziya akalamba, vyativikukana. Vikulanda iviti, “Awe cumi, swemo tusitala tuvyala ana nanti ukukuzya ana itu aonsi nanti anaci.”

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Ezekelo 27:16

Aina Edomu yacitanga uculuzi nawe pamulandu wa vintu wingi vino wapanganga. Yakuletelanga utumawe twamutengo twakwe emalodi, ni insalu iziyenzulukile, ni zipikulwe, ni nsalu zisuma, nu tumawe twamutengo twakwe kolali nu twakwe lubi. Avino yakauzyanyanga ni vyuma vyako.

Malango 13:6

“Umunyonko umwi nanti umwana wako umonsi nanti umwanaci, nanti umuci wako wino watemwa nanti acuza wako uwapa mwenzo angezya ku kutunkola mu umfisolo kuti wapepa tuleza tuze, tuto tuno ivikolwe vinu vitatazile vipepe.

Malango 13:8

Lelo mutakezye ukumuvwa. Cisi cakwezya ukumuvwila uluse. Nupya asi wakucingilila.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Malango 31:17

Lino cico icamwata uwo cilacitika indayasokela cuze. Indayatazyela cakuti lyene nu kuzanzwa yalazanzwa. Lino amazanzo avule yalayacitikila ali lino yalamanya ukuti ivintu vii vikuyacitikila pamulandu wakuti nene, ne Leza wao, insi nayo nupya.

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Yoswa 13:31

na citika wakwe Gileadi, na Asyitaloti na Edilei (imisumba yaku wene yakwe Ogi umwene waku Basyani). Ili mpanga ino yapile amu mupanda wakwe Makili, uluko nu luko.

Yakapingula 10:5

Lino Yaili wafwile, yamuzisile ku Kamoni.

Yakapingula 11:24

Uzye citange cikuzipile ukutoola cino Kemosyi leza wako wakupeela? Naswe kwene consi cino Yawe Leza witu watupela, cico kwene acino tumatola.

Yakapingula 13:1

Nupya kwene aina Izlaeli iyiifya pa manso yakwe Yawe. Caleka Yawe ayapeela mu makasa ya ina Filisti pa myaka amakumi yani.

Yakapingula 16:23

Lyene intunguluzi zya ina Filisti izikongana kuti zipeele impolelwa ikulu kuli Dagoni leza wao, nga nu kuzevya ziti, “Leza witu watapeela Samusoni umwanisi witu mu makasa itu.”

Yakapingula 3:7

Aina Izlaeli yilila Yawe Leza wao, yiifya kunoli nu kupepa Baali na Asyela, tuleza tuluwi tutu.

Yakapingula 4:1

Pacisila ca kufwa kwakwe Eudi, aina Izlaeli nupya kwene yiifya kuli Yawe.

Yakapingula 6:1

Nupya kwene aina Izlaeli yiifya kuli Yawe. Caleka Yawe aleka aina Midyani iyayateeka pa myaka cinimbali.

Yakapingula 8:33

Pacisila ca mfwa yakwe Gidyoni, aina Izlaeli nupya kwene yatali acumi kuli Leza nga iyapepa tuleza Tubaali. Iyaipangila Baali Beliti ukuya ali leza wao.

1 Samueli 5:2

mpaka nu kuingizya sile mu ng'anda ikulu yakwe Dagoni nga iyaipalamika ku unkolanya wakwe Dagoni.