Yakapingula 10:16 - Amazwi Yakwe Leza 2013

¹⁶ Acino aina Izlaeli iyasumba tuleza utwa inamasi nga iyatumikila Yawe. Nga Yawe auvwila aina Izlaeli ulanda pa ntazi zyao.

Yakapingula 10:16 ပူးပေါင်းရင်းမြစ်များ

Utandiko 6:6

aya nu ulanda cuze nu mwenzo umuwaya pa kuumba antu nu kuika pano nsi.

2 Yamwene 13:23

Lelo Yawe lyonsi kwene wayanga na mizu apa ina Izlaeli. Wene atalondanga ukuyakoma. Lyonsi wayatuulanga pamulandu sile wa cipangano cino wapangine na Abulaamu, na Isaki, na Yakobo. Wene atatala watazyela antu yakwe foo!

2 Milandu 15:8

Walanga Asa uvwa amazwi yakwe kasema Azaliya umwana umonsi wakwe kasema Odedi, awe mukwai akomeleka nu kukomeleka. Atamola nu tuluwi tonsi utwali umu mpanga ya Yuda ni mpanga yakwe Benjamini. Aonona kumwi nu tuluwi kwene utwali umu misumba ni mizi ino wapokolwile, umu mpanga yakwe Efulemu iya myamba. Ali pakukuula na kavuwa kakwe Yawe cipya cipya kano kayelile umu musolo wakasi lwaku Ng'anda ikulu yakwe Leza.

2 Milandu 33:15

Umu Ng'anda ikulu yakwe Yawe, namo afumya utuluwi tonsi twakwe tuleza utwenyi ni vyakukolanya vyonsi ivyali mwenemo. Afumya utuvuwa tuno wakuuzile apapela ya kamwamba kano yakuuzile penepo Ng'anda ikulu pamwi nu mu ncende zyonsi umu Yelusalemu. Alino avisumbila ukunzi ya musumba.

2 Milandu 7:14

ndi cakuti antu yane, yano yakaamilwa ukwi zina lyane, yaicefya nu kupepa kunondi, yalondalonda ni cinso cane, nu kuzenzuka ku misango yao ya ukakasi, ale lyene nani ukwiyulu kuno nikala indayuvwa, njayelele uluse apa maifyo yao. Indaleka nu kuti umu mpanga yao muye ivyakulya nyanya.

Masamu 73:21

Lino cambayanga umu mwenzo, nu kusyolokota,

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Yelemiya 31:20

“Uzye Efulemu ali mwanane umukundwe? Uzye wii ali mwanane wino natemwa? Pasi pano kwene nkamwiusya lyonsi sile, nkamukalipila. Ali cino lyonsi nkamuluuka mu mwenzo wane nu kumuyela uluse.” Ivyalanda ne Yawe.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Oseya 14:8

Uzye nupya aina Izlaeli yalacita cani nu tuluwi? Anene ndaasuka amapepo yao nu kuyasakamala. Nemo indi wa mulemo umu paini uulembe lyonsi. Nene ndi ntulo ya upolelelo wao onsi.”

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Luka 15:20

Caleka akatuka aya kuli isi. “Lelo lino acili kutali kufuma kumwao, isi amulola; aya na mizu mu mwenzo wakwe. Alino asimula amukukula nu kumutonsola.

Luka 19:41

Lyene lino wapalama ku musumba, aulolekesya, nga aulilila,

Yoane 11:34

Alino ayauzya ati, “Uzye mwamwika kwi?” Nao yaasuka yati, “Mwene ndu kalole.”

Efeso 4:32

Mu cifulo cakwe vii, muye nu luse na mizu kuli cila muntu munomuli. Mwaelelana ndi vino Leza wamwelela kupitila muli Klistu.

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.

Ayebulai 3:10

Caleka nali musoke ku mukulo uwa, nga mvwanga inti, ‘Pe kwene yakaponga mu myenzo yao yakakana pe kumanya inzila zyane.’

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Yoswa 24:23

Yoswa nawe ayanena ati, “Fwandi sumbini tuleza tuno tuli pakasi kinu nu kufima imyenzo inu iye iyakuyela Yawe, Leza wa ina Izlaeli.”

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

1 Samueli 12:10

Lyene iyalilila kuli Yawe kuti ayazwe, iyati, ‘Twatitwifya pa kukufutatila we Yawe nu kutumikila maunkolanya yakwe Baali na yakwe Asyitaloti. Lelo ndakai tutuule ku anisi itu, nga naswe tumakupepa!’

1 Samueli 7:3

Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”

1 Samueli 7:4

Acino aina Izlaeli iyasumba maunkolanya yao yakwe Baali na yakwe Asyitaloti, nu kutandika ukupepa sile Yawe.