Yakapingula 1:28 - Amazwi Yakwe Leza 2013

²⁸ Lino aina Izlaeli yiiza yakwatisya amaka, iyakuulizya aina Kenani mu milimo, lelo nalyo kwene iyaposiwa kuyazinga yonsi pyu.

Yakapingula 1:28 ပူးပေါင်းရင်းမြစ်များ

Utandiko 9:25

Asoka avwanga ati, “Citipu ciye kuli Kenani, Wene alaya muzya ku ina yakwe.

Utandiko 9:26

Alumbanyiwe Yawe, Leza wakwe Syemu! Kenani alaya muzya wakwe Syemu.

1 Yamwene 9:21

kuli kuti amu mupanda wao asiile mu mpanga ilya, yano aina Izlaeli yaposiwe kulovya. Antu kwene yaa ali yano Solomoni ayacita azya akuombela umulaza ukufika na pilelo kwene.

Mapinda 12:24

Umuntu wino akaombesya alateeka auze, lelo akasu yene lyonsi kwene yalaya azya ya yauze.

Malango 20:11

Ndi cakuti yacimba yaiyulila ni milyango yao, lyene yao yalinzile yaya azya inu nu kumutumikila.

Yoswa 17:13

Nanti cali vivyo, lino aina Izlaeli yatwalilila ukuya na maka iyapatikizya aina Kenani ukuomba wa azya, nga lelo yaposiwe ukuzinga yonsi pyu.

Yakapingula 1:27

Lelo Manase atazinzile aikazi amu mu musumba wa Beti Syani nanti amu Taanaki nanti amu Doli nanti amu Ibeleamu nanti amu Megido kumwi na amu mizi izingulwike, pasi pano aina Kenani yang'ang'anile ku mpanga ilya.

Yakapingula 1:29

Umutundu wakwe Efulemu nao kwene iuposiwa ukuzinga aina Kenani aikalanga pipi nu ku Gezeli. Lelo aina Kenani iyatwalilila ukwikala pakasi kao.

1 Samueli 14:24

Lyene aina Izlaeli iyaongoka ku nzala pa wanda ulya, pamulandu wakuti Saulo wayapile ilamulo nu mulapo ku vita, ati, “Citipu ciye pa muntu ali wensi uwalya icakulya lino ilanzi litali liwe, nupya lino ntali incite icilanduzi pa anisi yane!” Icaleka kusi umuntu nanti wenga uwalile icakulya pa wanda ulya.