Yakapingula 1:27 - Amazwi Yakwe Leza 2013

²⁷ Lelo Manase atazinzile aikazi amu mu musumba wa Beti Syani nanti amu Taanaki nanti amu Doli nanti amu Ibeleamu nanti amu Megido kumwi na amu mizi izingulwike, pasi pano aina Kenani yang'ang'anile ku mpanga ilya.

Yakapingula 1:27 ပူးပေါင်းရင်းမြစ်များ

1 Yamwene 9:21

kuli kuti amu mupanda wao asiile mu mpanga ilya, yano aina Izlaeli yaposiwe kulovya. Antu kwene yaa ali yano Solomoni ayacita azya akuombela umulaza ukufika na pilelo kwene.

2 Yamwene 23:29

Lino Yosiya wali apa wene, Falao Neko umwene waku Eguputo waile ni vita vyakwe uku nkondo, uku Luzi lwa Yufulate uku kuya azwilizya umwene waku Asilya. Umwene Yosiya alonda ukulesya ivita vyaku Eguputo apa Megido. Na lino yacili yakulwa, ali vino yakomile Yosiya.

2 Yamwene 9:27

Lino Aaziya umwene waku Yuda walola icacitika, autuka atumbela umuseo waku Beti Hagani. Yeu nawe amucocovya, ale akulasa inceto nu kupunda ati, “Nawe kwene mulasini sile!” Ali vino nayo yamulasa, ale ali mwi celeta lyakwe mu museo uwalungama ku Guli, pipi nu musumba wa Ibeleamu. Lelo wene autukila ku Megido, akuno aya afwila.

Kufuma 23:32

Mutaca mucite upangano nayo nanti na tuleza twao.

Yelemiya 48:10

Watipwa umuntu wiyo wino akaomba umulimo wakwe Yawe ukasu ukasu! Watipwa umuntu wino akalesya ulupanga lwakwe ukuzwisya uwazi!

Malango 7:2

Lino Yawe Leza winu wapeela antu yaa mu makasa inu nga namwe mwayacimvya, lyene mulinzile kukoma yonsi kwene. Mutaezya ukucita cipangano nayo nanti ukuya na mizu kunoyali.

Yoswa 21:25

Ukufuma mu mutundu pakasi wakwe Manase yapilwe umusumba wa Taanaki nu wa Gati Limoni, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba iili.

Yakapingula 1:1

Pacisila ca kufwa kwakwe Yoswa, aina Izlaeli yuzya Yawe yati, “Uzye umutundu cii pa mitundu itu umatandikilapo ukulwisya aina Kenani?”

Yakapingula 1:21

Lelo amu mutundu wakwe iyaposiwa kuzinga aina Yebusi aikalanga mu Yelusalemu. Na pilelo kwene aina Yebusi yacili ikala mwenemo pamwi na ina Benjamini.

Yakapingula 1:26

Alino umuntu wilya aya ku mpanga iya ina Hiti, aya akuula kweneko umusumba nga autemela izina ati Luzi, wakwe vino ukaamwa ukufika na ndakai kwene.

Yakapingula 1:28

Lino aina Izlaeli yiiza yakwatisya amaka, iyakuulizya aina Kenani mu milimo, lelo nalyo kwene iyaposiwa kuyazinga yonsi pyu.

Yakapingula 5:19

Uku Taanaki, apipi na manzi aku Megido, akuno yamwene yizile iyalwa. Yamwene aku Kenani iyalwa kuku, Lelo yatasenzile nanti siluva nanti ivisampwe vimwi.

1 Samueli 15:9

Lelo Saulo na antu yakwe yatakomile Agagi ni viteekwa vyakwe ivisuma ukuluta umu mfwele ni ng'ombe, utwana twa ng'ombe nu twa mfwele. Vii vyonsi ivyalolekanga ningo yatakasi ukuvyonona. Lelo iviteekwa vyonsi ivitali ningo ivitali nu muzano umwi vyene yavyononyile.

1 Samueli 31:10

Alino lyene iyakoweka ivyanzo vyao mu ng'anda ikulu yakwe Asyitaloti leza wao, nu kupampamila icala cakwe ku lung'umba lwa Beti Syani.