Utandiko 9:5 - Amazwi Yakwe Leza 2013

⁵ Wino watala akatwe wene wazwisya uwazi nawe alakomwa. Inyama iyakoma umuntu ndaikoma.

Utandiko 9:5 ပူးပေါင်းရင်းမြစ်များ

Utandiko 42:22

Lubeni avwanga ati, “Namunenyile nati mutacisa mulumendo, lelo mutalondanga kuvwa. Mwalola lyene, ndakai tukucula pamulandu wa mfwa yakwe.”

2 Samueli 4:11

Nga lyene fwandi pa vipondo ivyativikoma umuntu uwakaele lino aizi sile pa musanzi umu ng'anda umwakwe, nemo namalusya ukucita cilanduzi! Namamulandwila pa kumukoma kuno mwamukomile. Mwemo namamulovya pano pansi.”

1 Yamwene 2:6

Wemo umanyile ivyakucita kunoli. Uce uleke yamulyolyosye sile.

2 Yamwene 11:1

Walanga Ataliya nyina wakwe Aaziya walola ukuti umwana watafwa, nawe ali pakupeela ilamulo lyakukoma antu yonsi akazi ka mwene.

2 Milandu 24:22

Umu kucita vivyo, umwene Yoasyi ailila ivisuma vyonsi vino Yeoyada, isi wakwe Zakaliya wamucitilanga, lelo wene akoma umwanakwe. Na lino umwana wilya akufwa, avwanga amazwi yaa ati, “Si Yawe alole icintu cii cino wacita, akuvunuke!”

2 Milandu 33:24

Ivilolo vyakwe ali pakumukatukila, nu kumukoma iya mukomela umwi sano lyakwe kwene.

2 Milandu 33:25

Ayuda nayo ali pa kukoma ivilolo vivyo ivyakomile Amoni. Umwanakwe umonsi uwi zina lyakwe Yosiya ali wino yasontile penepo ukuya pa wene.

Masamu 9:12

Wene akaiusya yao akucula, atange ailile uku mpooma zyao, nupya aliwe akayalandwila kuli yano yakayaifya.

Kufuma 20:13

“Utakoma.

Kufuma 21:12

“Wino wensi uuma umuntu umwi nu kumukoma, nawe kwene alinzile ukukomwa.

Aina Levi 19:16

Utapitanapitana ku na ku kukusalanganya ufi pakasi ka mutundu wako. Utacita icintu icili consi cino cingaleta uzanzo ku umi wa mwinipamba wako. Nene Yawe.

Aina Levi 24:17

“Muntu ali wensi uwatala akatwe, alinzile ukukomwa.

Aina Levi 24:21

Muntu ali wensi wino wakoma iciteekwa, alinzile kupyanikizya iciteekwa kwene cico. Lelo uwakoma umuntu alinzile ukukomwa.

Mpendwa 35:16

Lelo kwene ndi cakuti umwi wakoma umuntu ku canzo ca cela, wiyo wene ale inkomi sile. Ni nkomi nayo kwene ilinzile ukukomwa.

Mpendwa 35:17

Ndi cali cakuti wamupola ni we lino alemile mu minwe, nu muntu wiyo wafwa, ale wene inkomi nga nawe kwene alinzile wakomwa.

Mpendwa 35:18

Nanti wamulimula ni cimuti cino alemile, nga umuntu wiyo wafwa nu kufwa, ale wene inkomi. Ni nkomi nayo kwene ilinzile ukukomwa.

Mpendwa 35:21

nanti sile wamuma ni kofi wafwa, ale uwamumile ali nu mulandu, nga nawe kwene alinzile ukukomwa. Nupya kalandula wa wazi ndi wamukomenkanya, ali nu kumukoma.

Mateo 23:35

Pamulandu kwene uu, Leza alamuvunuka pa kukomwa kwa antu yonsi yano ali akaele, kutandikila pa kukomwa kwakwe Abeli uwakaele, kufika na pa kukomwa kwakwe Zakaliya mwana Belekiya, wino mwakomile mu Ng'anda ikulu yakwe Leza pakasi ka cifulo camuzilo na kavuwa.

Milimo 17:26

Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

Malango 19:11

“Lelo umuntu ndi wapata umuze nga amuteyamila, amucisa nu kumukoma, alino lyene apuukila ku musumba onga pali iyo iyakuzina mwenemo,

Malango 19:12

ale lyene intunguluzi zyamu musumba wakwe zilinzile zyatuma inkombe zikamutole nu kumuwezya ku musumba, nga zimupeele mu makasa ya muntu wino akulonda ukucita icilanduzi pakuti nawe amukome.

Yakapingula 9:56

Avino Leza walandwile pa nkota zyakwe Abimeleki zino wacisile izya kukoma ana yakwe aonsi amakumi cinimbali.