Utandiko 8:4 - Amazwi Yakwe Leza 2013

⁴ Pa wanda uwalenga ikumi na cinimbali mu mwezi wakwe cinimbali icange cisika papela ya myamba ya Alalati.

Utandiko 8:4 ပူးပေါင်းရင်းမြစ်များ

Utandiko 7:20

Amanzi yatwalilila kuvula yavimba myamba itali kulingana manye amamita cinimbali ukuya papela.

Utandiko 8:5

Amanzi yatwalilile ukupwa, nga pa wanda wakutandika umwezi uwalenga ikumi, nsongo zya myamba zitandika kuloleka.

2 Yamwene 19:37

Uwanda umwi lino Senakelibu wapepanga umu ng'anda ikulu yakwe Nisiloki, kaleza kaluwi akakwakwe, ana yakwe yaili, Adilameleki na Syalezeli, yamukomile mumu kwene ni mpanga zyao, nga afwa nu kufwa. Nayo ali pakupuukila uku mpanga ya Alalati. Alino Esalaadoni umwana wakwe umonsi amupyana pa cilimba ca wene.

Ezaya 37:38

Walanga uwanda umwi lino acili akupepa mu ng'anda yakwe Nisiloki, kaleza kakwe akaluwi, awe mukwai ana yakwe yaili aonsi, Adilameleki na Syalezeli, yamukoma ku lupanga, yutukila nu ku mpanga ya Alalati. Umwana wakwe muze umonsi wi zina lyakwe Esalaadoni awino amupyana pa cilimba ca wene.

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.