Utandiko 8:12 - Amazwi Yakwe Leza 2013

¹² Alino alolela amanda nayauze cinimbali, nga nupya atuma inkunda, lelo yene itawezile kunoli.

Utandiko 8:12 ပူးပေါင်းရင်းမြစ်များ

Utandiko 8:10

Nowa alolela pa manda cinimbali nga nupya atuma inkunda ukufuma mu cange.

Utandiko 8:11

Lino inkunda yawela kunoli manguzi ala isenzile ifwa lyamu olivi ku mulomo, Nowa amanya ukuti lyene amanzi yatiyakama.

Masamu 27:14

Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!

Ezaya 25:9

Mu wanda ulya yene yalavwanga yati, “Cumi kwene wi ali Leza witu. Twataile ukuti aliwe alatukulula! Wene ali Yawe nupya tukataila munoli. Si lekini tuzange nu kusansamuka pano watatupususya.”

Ezaya 26:8

We Yawe, awewe twatailanga umu nzila ya upinguzi wako kwene. Izina lyako nu kukwiusya, ali vino umwenzo wane ukakumbwa sile.

Ezaya 30:18

Nanti cingaya vivyo, lelo kwene nemo ne Yawe namamulolelanga pakuti namukwatila uluse. Nkalondesya ukumukwatila uluse, pano nemo lyonsi nkacita ivilondoloke. Ala asyuke ayayo yano yataila muli Yawe.

Ezaya 8:17

Yawe wafisama uku manso ya antu yakwe, amu mupanda wakwe Yakobo. Lelo nemo namutaila nu kulolela awino inkalolela.

Yelemiya 48:28

“Mwe ina Moabu mwe, fumini sile mu musumba. Ikalini mu vimawe. Mukolanye icipeele cino caluka cinsanzo mu lwema lwa mipokapoka icenjemale.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.