Utandiko 8:1 - Amazwi Yakwe Leza 2013

¹ Lelo Leza atilile Nowa ni nyama zyonsi zyamu mpanga, nga ni viteekwa vino wali navyo mu cange. Caleka Leza akatusya cipunga mu nsi, na mulamba atandika ukupwa.

Utandiko 8:1 ပူးပေါင်းရင်းမြစ်များ

Utandiko 19:29

Lelo lino Leza wononyile imisumba ilya yamu cifoloma, wiwisye kupapata kwakwe Abulaamu kuti Loti apusuke.

Utandiko 30:22

Lyene Leza atilile Lakeli, acino azumila ipepo lyakwe, aleka kuti lyene angavyala ana.

Utandiko 9:10

nu ku vyaumi vyonsi ivili nawe, ivyunyi, iviteekwa, inyama zyamu mpanga, na consi cafumile nawe mu cange.

Neemiya 13:14

We Leza wane, sungala unjiusye pali vii vyacitika. Iusyini milimo yane isuma ino nacitila Ng'anda ikulu yakwe Leza wane pakulondesya ukumutumikila.

Neemiya 13:22

Lyene mpela ilamulo ku ina Levi kuti yaiswefye nu kwiza tandika kulinda mpongolo kuti wanda wi Sabata uziliziwe. We Leza wane, unjiusye nu kunsunga pamulandu wakutemwa kwako kukulu.

Neemiya 13:29

We Leza wane, wiusye antu yayo, apa kukowezya usimapepo wao nu kusausya upangano uno mwacisile na ina Levi.

Neemiya 13:31

Nga mpela ilamulo lyakuti yaleta inkwi ni vizao vyankolelo apa nsita iyasontwa. We Leza wane, si ule wiusye vyonsi nu kunjela amizu.

Yobo 12:15

Ndi Leza walesya imvula ukutonya, ale kwaya icilala icikome sana. Nupya ndi wene wati kitonyesye, awe lyene insi ala yaundwa.

Yobo 14:13

Iye mwe! Fwandi cangecizipe umfisa kuko kwene ukwaya afwe, ukufika sile na lino ukali wako watankoka, nga alino wize uwateyanya uwanda wakunjiusya nupya.

Masamu 105:42

Pano wiusyanga ulayo wakwe uwamuzilo uno wanenyile Abulaamu umuomvi wakwe.

Masamu 106:4

We Yawe, uwanjiusya lilyo lino ukwazwilizya antu yako, uwa mpempula lino ukupususya yamwi.

Masamu 115:12

Swemo Yawe akatwiusya pee, nupya amatupolelelanga. Amapolelelanga na ina Izlaeli kumwi na amu luko lwakwe Aloni.

Masamu 132:1

We Yawe, uwaiusya Davidi nu kucululuka kwakwe konsi kuno wacululwike.

Masamu 136:23

Watwiwisye lino twazanzilwe, pano luse lwakwe ulwa pe na pee.

Masamu 137:7

We Yawe, iusya vino aina Edomu yacisile uwanda uno Yelusalemu wazanzilwe. Iusya vino yakomilepo ukulanda ala yakuti, “Wongololini, muongolole suka na pansi.”

Masamu 29:10

Yawe aliwe akateeka yayemba yonsi, nupya wene wikala pa cilimba cakwe ca wene umuyayaya.

Masamu 36:6

Ulungami wako waya uzyantile wa myamba itali yakwe Leza. Imipingwile yako, nayo yaya wa kuzika kwakwe yemba. We Yawe, awewe ukawaka antu ni nyama kwene.

Kufuma 14:21

Lyene Mose akonzolola ikasa lyakwe pali yemba, alino Yawe alenga kuti muza upunge ukufuma ku ufumondaka. Muza upunga usiku onsi nu kulenga kuti amanzi yapaatukane cakuti musili uume uloleka pali yemba. Amanzi yapaatukana kuu na kuu,

Kufuma 15:10

Lelo we Yawe uputa umupu lyonga sile na aina Eguputo yamwela, iyatuwila yatotomela ngati mutovwe yaya pansi pansi.

Kufuma 2:24

Leza auvwa kuteta kwao, nga atilile upangano wakwe uno wacisile na Abulaamu, na Isaki, na Yakobo.

Mapinda 25:23

Ulwambo lwene lukalenga icipyu, icili conga kwene ndi vino umuza waku katutu ukaleta imvula.

Ezaya 44:27

Nene nkakamya yemba mukalamba, nga namunena kuti akame. Nkakamya ni nguzi iziitamo.’

Yelemiya 50:38

Lekini impanga ilangoke, inguzi kazikamilwe, pamulandu wakuti impanga yatuluwi, utwalenga nu kuti antu yaye kwati ayacipena.”

Amosi 8:7

Yawe, Leza wa ina Izlaeli, watalapa ati, “Endi, Nemo ntalatala nilile ivicitwa vyao iviipe.

Yona 4:11

Uzye nemo ntange njele umusumba ukulu wa Ninive uluse? Mu musumba kwene ulya muli ana anono 120,000 yao akaele, nga ni viteekwa vivule cuze!”

Naumi 1:4

Wene akapeela yemba ilamulo, nga nawe apwa! Wene akakamya inguzi. Ni vimelwa vyamu vyalo vyaku Basyani nu ku Kalimeli avyumika. Na maluwa aku Lebanoni yafooka.

Habakuku 3:2

We Yawe, natinuvwa vyakulumbuka kwako. We Yawe nupya nuvwa intete. Acino ivicitwa vyako kwene vii, uviswilizye nupya kwene kuti viye vimanyikwe amanda kwene yaa, ivizungusyo vikulu vino wacitanga. Lelo ukwate uluse nanti umu nsita kwene ino watusoka.

Zakaliya 10:11

Lino yalacululuka pakulamba yemba, nemo ne Yawe ndamyalalika amaimbi, namatenga yonsi amu luzi lwa Nailo yalapwa. Cilumba ca antu amu mpanga ya Silya cilasila, na maka yakwe yamwene amu Eguputo nayo yalasila.

Mpendwa 10:9

Lyonsi lino mulaya umu nkondo mu mpanga inu, lino mukuipokolola ku anisi inu yano yatiyamuzanza, muce mulizye sile intandala zya nkondo. Lyene Yawe Leza winu atalamwilila, lelo alamutuula ku anisi inu.

Mpendwa 22:32

Lyene umungeli wakwe Yawe amuuzya ati, “Uzye pacani cino umila punda wako vii amaila yatatu? Nemo natiniza ku kukulesya ukupita. Ninkucilikila inzila pano utalinzile kuti uye pa lwendo kweneko.

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.

Umbwilo 18:5

Pano uwingi wa maifyo yakwe yafika mwiyulu, Leza nawe wataiusya misango ya ukakasi wakwe.

1 Samueli 1:19

Katondotondo pa wanda uwalondelilepo iyakatuka nga iyapepa kuli Yawe, nga lyene iyaswilila kumwao ku Lama. Elikana pali pakumanya umuci wakwe, nga Yawe aasuka ipepo lyakwe Hana.