Utandiko 7:7 - Amazwi Yakwe Leza 2013

⁷ Pa nsita ilya alanga Nowa nu muci wakwe, ana yakwe aonsi na aci yao yatiingila mu cange kuti yapusuke ku manzi yakwe mulamba.

Utandiko 7:7 ပူးပေါင်းရင်းမြစ်များ

Utandiko 6:18

Lelo ndacita upangano pakasi kakwe wewe nani. Ingila mu cange pamwi nu muci wako, na ana yako na aci yao.

Utandiko 7:1

Lyene Yawe anena Nowa ati, “Pita ingila mu cange pamwi na amu ng'anda yako. Ninzana vino wewe wenga mpo mu antu yonsi ukacita ivyaololoke.

Mapinda 22:3

Umuntu wamano akacevya uzanzo ungamuzana nu kuutuka autuka, lelo iciwelewele cene cikaitwala sile umu mazanzo.

Mateo 24:38

Pano mu manda yalya, lino mulamba atali aiize, antu yalyanga nu kumwa, yatwalanga nu kutwalwa, kufika na pa wanda uno Nowa wingile mu cange.

Luka 17:27

Antu yalyanga nu kumwa, yatwalanga nu kutwalwa, kufika na pa wanda uno Nowa wingile mu cange lino mulamba wizile ayakoma onsi.

Ayebulai 11:7

Utailo uwalenzile kuti Nowa auvwe kusokwa kwakwe Leza pa vintu vino vyali nu kwiza, vino atatazile alola. Wene wayelile Leza nu kupanga cange muno aliwe na amu ng'anda yakwe yatuuzilwe. Cii calenzile kuti antu amu nsi yavunukwe, nga Nowa nawe apokelele uwila wa wololoke uno ukapelwa kuli yao ataila.

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

1 Petulo 3:20

Ii yali mipasi yakwe yao atayelanga Leza mu manda yano Nowa wapanganga cange. Lelo Leza waitekelile. Antu yanono sile kulingana na cinani, yano ali mu cange, alio yatuuzilwe ku manzi.

2 Petulo 2:5

Leza atapanyizye yakaifya amu manda yampiti yakwe Nowa. Wene wayononyile ku manzi, lelo watuuzile Nowa ngaa na antu yauze cinimbali, wino uwakosozile cumi cakulenga antu yacita vyawololoke.