Utandiko 7:1 - Amazwi Yakwe Leza 2013

¹ Lyene Yawe anena Nowa ati, “Pita ingila mu cange pamwi na amu ng'anda yako. Ninzana vino wewe wenga mpo mu antu yonsi ukacita ivyaololoke.

Utandiko 7:1 ပူးပေါင်းရင်းမြစ်များ

Utandiko 6:18

Lelo ndacita upangano pakasi kakwe wewe nani. Ingila mu cange pamwi nu muci wako, na ana yako na aci yao.

Utandiko 6:9

Ilandwe lyapali Nowa lyaya ndi vii. Pakasi ka antu amu nsita ilya Nowa wenga mpo wali umuntu uwacitanga vyawololoke nupya uwaula impwelo mbi. Lyonsi kwene Nowa wapitanga na Leza.

Utandiko 7:13

Pa wanda kwene ulya Nowa nu muci, ana yakwe aonsi yatatu Syemu, Hamu na Yafeti pamwi na aci yao ingile mu cange.

Utandiko 7:7

Pa nsita ilya alanga Nowa nu muci wakwe, ana yakwe aonsi na aci yao yatiingila mu cange kuti yapusuke ku manzi yakwe mulamba.

2 Samueli 22:24

Wene amanyile ukuti nsi nu mulandu, nu kuti naisunga ku kwifya.

Mapinda 10:9

Umuntu uwakwata icumi asipita mu uzanzo. Lelo wiyo akapita umu nzila ziipe wene alamanyikwa.

Mapinda 14:26

Ukoopa Yawe kukakomya utailo, nga na ana yakwe yakazina munoli.

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Ezekelo 14:14

Nanti angala antu yatatu yaa, Nowa, Danieli na Yobo yatenzi mwenemo, yene yangaipususya sile aisikulu ku ololoke wao. Ivyalanda ne Yawe Simwandalali.”

Zefaniya 2:3

Zenzukini nu kwiza kuli Yawe, mwensi mwe ikazi ya mpanga, yano yakayela amalamulo yakwe. Citini ivyaololoke nu kuicefya pa manso yakwe Yawe. Limwi muluutuka ukuvunukwa apa wanda uno Yawe alasokolola ukali wakwe.

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Luka 17:26

Vino cali mu manda yakwe Nowa avino cilaya nu mu manda ya Mwana wa Muntu.

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Ayebulai 11:7

Utailo uwalenzile kuti Nowa auvwe kusokwa kwakwe Leza pa vintu vino vyali nu kwiza, vino atatazile alola. Wene wayelile Leza nu kupanga cange muno aliwe na amu ng'anda yakwe yatuuzilwe. Cii calenzile kuti antu amu nsi yavunukwe, nga Nowa nawe apokelele uwila wa wololoke uno ukapelwa kuli yao ataila.

1 Petulo 3:20

Ii yali mipasi yakwe yao atayelanga Leza mu manda yano Nowa wapanganga cange. Lelo Leza waitekelile. Antu yanono sile kulingana na cinani, yano ali mu cange, alio yatuuzilwe ku manzi.