Utandiko 6:6 - Amazwi Yakwe Leza 2013

⁶ aya nu ulanda cuze nu mwenzo umuwaya pa kuumba antu nu kuika pano nsi.

Utandiko 6:6 ပူးပေါင်းရင်းမြစ်များ

Utandiko 6:7

Caleka avwanga ati, “Namaonona antu yonsi pyu yano nauumba, ni nyama, ni vikasela, ni vyunyi ivikapapuka. Pano vyandenga ulanda pa kuviumba.”

2 Samueli 24:16

Lino umungeli wakwe Yawe wali pipi nu konona Yelusalemu, Yawe awezya umwenzo kuti atavunuka antu nga anena umungeli uwayakomanga ati, “Ta, caticilingana!” Umungeli wi waimi apipi na pa lwano lwa kupuulila lwakwe Alauna, umwina Yebusi.

1 Milandu 21:15

Lyene Leza atuma umungeli wakwe kuti akonone umusumba wa Yelusalemu. Lelo ala umungeli acili akonona, Yawe amunena ati, “Ta! Calingana!” Apa nsita kwene ilya walanga umungeli wilya wakwe Yawe acili aimi pa lwano lwa kupuulila lwakwe Alauna umwina Yebusi.

Masamu 106:45

Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.

Masamu 110:4

Umwene walafile umulapo, nu kufutuka atange afutuke foo! Watiile, “Wewe simapepo wakuyelelela mu lutambi lwakwe Mekisedeki.”

Masamu 119:158

Nkati ndi nalolekesya antu asitaila, pamulandu wakuti yasiwaka amalamulo yako, nemo inyunguluka.

Masamu 78:40

Pasi pa maila nu wingi lino yasangukilanga Leza umu lwanga nupya pasi pa maila nu wingi, lino yamusakamikanga!

Masamu 81:13

“Ndi cakuti antu yane iyanguvwila, Aina Izlaeli ndi cakuti yamalondelanga inzila zyane,

Masamu 95:10

Apa myaka amakumi yani umukulo ulya wansosizye, usuka umvwangula inti, “Ala mutundu we nizewanya! Mwakana ukuvwa ukunzila zyane!”

Kufuma 32:14

Caleka Yawe awezya umwenzo atalenzile kuti uzanzo ucitike uno wakasi kuti acite pa antu yakwe, aina Izlaeli.

Ezaya 48:18

“Mwemo ndi cali cakuti mwasumbisya amano ku masunde yane, ulongo lwinu lungaya wa luzi ulukapita lyonsi sile. Nu kucimvya kwinu kungaya wa mayimbi akaipumola ku cituntu cakwe yemba.

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Yelemiya 18:7

Ndi cakuti napingwila umutundu nanti uwene umwi ukuti namautukula nu kuongolola nu kuonona,

Yelemiya 26:19

Umwene Hezekiya wa Ayuda pamwi na antu yonsi yatakomile Mika foo. Uzye yene yatoofile Yawe nu kumupapata apakuti atayaletela isyamo lino walanga wapanga ukuyacitila? Uzye swemo twifye imyenzo itu uku uyi ukulu ndi uu?”

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Yona 3:10

Lyene lino Leza walola vino antu yacita na vino yazenzwike uku misango yao yankota, aya na mizu kunoyali nga atayaponyezizye uwononesi uno walanzile ukuti alayaponyezya.

Malaki 3:6

“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Loma 11:29

Pano Leza asyasenuka pali wino wasolola nu kupolelela.

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.

Malango 32:29

Yene yaposiwa ukulola icalenzile kuti yayacimvye. Yene yatanga yalooke impela yao vino ilaya.

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Ayebulai 3:10

Caleka nali musoke ku mukulo uwa, nga mvwanga inti, ‘Pe kwene yakaponga mu myenzo yao yakakana pe kumanya inzila zyane.’

Ayebulai 3:17

Uzye aweni yano Leza wasokile pa myaka makumi yani? Ayaya kwene aifizye, yano afwilile mu lwanga.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

1 Samueli 15:11

“Indi nu ulanda pa kupeela Saulo uwene, pamulandu wakuti wene watamfutatila nupya watakana ukuyela amalamulo yane.” Samueli ali pakusoka, nga atandika nu kupapata kuli Yawe usiku ulya onsi.

1 Samueli 15:29

Pasipano Leza uwacindamika aina Izlaeli asitumpoka nupya asi uwa mansenunsenu. Pano wene asi umuntu, awe.”

1 Samueli 15:35

Samueli yatatazile nupya iyalolana na Saulo, mpaka sile ukufika pa wanda wa kufwa kwakwe, nanti angala Samueli wamuvwilile ulanda, pamulandu wakuti Yawe walangulwike cino wamucisile ukuya umwene wa ina Izlaeli.