Utandiko 6:5 - Amazwi Yakwe Leza 2013

⁵ Lino Yawe walola vino inkota zya antu zyavulisya na vino ukwelenganya kwao lyonsi kwaya ukwipe,

Utandiko 6:5 ပူးပေါင်းရင်းမြစ်များ

Utandiko 13:13

umusumba muno antu yali ankota, aifyanga Yawe wakwe cimwi.

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Yobo 15:16

Ale fwandi umuntu wene cingapela kwi! Wiyo uwa miyele iipe nupya ivulungane! Nga vino wene akacita inkota kwati avino akamwa amanzi!

Yobo 22:15

“Owe we Yobo, simanye ukulonda ukulondela imisango yampiti ino antu ampiti yapitanga mwenemo?

Masamu 53:2

Ukwiyulu Leza akalolekesya apa ana ya antu, nu kulolekesya ndi cakuti pano nsi palipo wenga uwamano akalonda Leza.

Mapinda 6:18

umwenzo ukaelenganya amapange alola uku viipe, ulwazo ulwangupale uku kucita iviipe,

Kasambilizya 7:29

Vii avili vino nasambilile. Leza watuumvile swe antu aula ulema umwi. Lelo swe eneco tukailetelela ku misango itu iipe ivule.

Kasambilizya 9:3

Endi, swensi kwene icikatuponela icili cimwi, nga icintu cii iciipe mu vintu vyonsi ivikacitika umu nsi ii. Lino antu yacili nu umi amelenganyo yao yakazulamo uyi nu upena, alino yakaiukila ukuti iyafwa.

Yelemiya 17:9

“Uzye aweni angatezya vyamu mwenzo wa muntu? Mwene mwazula ucenjezi uwa misango yonsi, nupya uwipe wakwe cimwi.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Ezekelo 8:12

Leza ali pakunguzya ati, “We mwana wa muntu, uzye wailolela ivikacita akalamba ya ina Izlaeli, umu kanda, cila muntu umu muputule wakwe umu viluwi vilengwe? Ala yakuti, ‘Yawe atange atulole, Yawe watazyela impanga.’ ”

Ezekelo 8:9

Wanena wati, “Ingila apakuti ulole ivyawinyi vino yakucita mwenemo.”

Mateo 15:19

Pano mu mwenzo mukafuma amelenganyo yankota akamutungulula ku kukoma, kulongozya, nu kucita vintu vya winyi, uwivi, umboni waufi, kutumpwila.

Mateo 24:37

Vino cali mu manda yakwe Nowa, avino cilaya pa kwiza kwa Mwana wa Muntu.

Luka 17:26

Vino cali mu manda yakwe Nowa avino cilaya nu mu manda ya Mwana wa Muntu.

Malango 29:19

Musininkizye ukuti pali mwemwe mwensi, mwemuno mwatimwimilila pano ilelo pataya nanti wenga uwakuisomba ukuti alaikala sile ningo ukwaula intazi nanti angala wene wacita ivyaucintuvwa wakwe. Owe mwe! Ale lyene wiyo alaleta ulupekeso ku muntu umusuma nu ku mwipe kwene.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

1 Petulo 3:20

Ii yali mipasi yakwe yao atayelanga Leza mu manda yano Nowa wapanganga cange. Lelo Leza waitekelile. Antu yanono sile kulingana na cinani, yano ali mu cange, alio yatuuzilwe ku manzi.