Utandiko 5:22 - Amazwi Yakwe Leza 2013

²² Pacisila cakuvyalwa kwakwe Metusela, Enoki watenzi mu utandano na Leza pa myaka nayuze 300, nga umuci amuvyalila ana nayauze aonsi na anaci.

Utandiko 5:22 ပူးပေါင်းရင်းမြစ်များ

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Utandiko 24:40

Nawe wangaswike ati, “Yawe wino nkayela lyonsi, alatuma mungeli wakwe kunuli ku kwazwa kulondela umwana wane umonsi umuci ukufuma ku aluko lwane, ku akazi kakwe tata.

Utandiko 48:15

Lyene Yakobo apolelela Yosefu ati, “Si Leza wino ivikolwe vyane, Abulaamu na Isaki, yatumikilanga apolelele alumendo yaa! Si Leza wino uwantungulula kufika na pa wanda wi lelo apolelele alumendo yaa!

Utandiko 5:21

Lino Enoki wali ni myaka 65, umuci amuvyalila umwana umonsi, izina lyakwe a Metusela.

Utandiko 5:23

Enoki watenzi imyaka 365.

Utandiko 5:24

Enoki watenzi mu utandano na Leza, nga ata kuloleka pano Leza wamusenzile.

Utandiko 6:9

Ilandwe lyapali Nowa lyaya ndi vii. Pakasi ka antu amu nsita ilya Nowa wenga mpo wali umuntu uwacitanga vyawololoke nupya uwaula impwelo mbi. Lyonsi kwene Nowa wapitanga na Leza.

1 Yamwene 2:4

Ndi cakuti wayela, ale lyene Yawe nawe alafikilizya ulayo uno wandavile ati, ‘Ndi cakuti amu mupanda wako yatekela mu wikazi wao, ndi yamanjelanga ni myenzo nga nu umi wao onsi, ale utalatala uulizye umuntu uwakuteeka Izlaeli.’ ”

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

Masamu 116:9

Fwandi nemo lyene namapitanga apa cinso cakwe Yawe, umu nsi yakwe yayo aumi.

Masamu 128:1

Walongo umuntu wensi akaoopa Yawe, akalondela inzila zyakwe.

Masamu 16:8

Lyonsi nkumanya ukuti Yawe ali panondi, ali pipi ukwi kasa lilunji lyane, fwandi kusi icingantenkanya.

Masamu 26:11

Lelo nemo nkacita ivilungame, Ya na mizu kunondi nu kunkulula.

Masamu 56:13

pano watumpususya ku mfwa, utalesile kuti yancimvye foo. Ali cino fwandi nemo inkaipitila na pa manso yako, umu luswepo ulukakozezya aumi.

Masamu 86:11

We Yawe, unsambilizye ukucita vino ukalonda pakuti nakutontelela mu mipitile yane na pakuti naoopa izina lyako.

Kufuma 16:4

Lyene Yawe anena Mose ati, “Ndakai namalenga kuti ivyakulya vinu mwensi vipone wa mvula ukufuma mwi yulu. Antu yalinzile yafuma yaya yakolonganika ivyakulya nu kusenda vyakulingana nu kulya kwa wanda onga. Mu nzila kwene ii ningamanya ndi antu yangalondela malamulo yane.

Lwimbo lwakwe Solomoni 1:4

Nsenda sile, tuye tuutuke, tupitisye! We mwene wane njingizya mu muputule wako, uleke swensi tuzange nu kusansamukila munuli. Twawanzya ulukundo lwako luno lwaluta waini. Acino anaci yonsi yakutemelwa.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Aina Levi 26:12

Nkaaya namwe. Nene Leza winu namwe mwemwe antu yane.

Amosi 3:3

Uzye antu yaili yangapitila pali pamwi ukwaula kuzumilizyanya?

Mika 4:5

Antu amu nko zyonsi yakapepa nu kuyela leza wao, lelo swemo tumapepanga nu kuyela Yawe, Leza witu mpaka umuyayaya.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Malaki 2:6

Yene yasambilizyanga ivyacumi, asi vyaufi awe. Yuvwananga nani, nupya yatacitanga sile ivisuma. Lelo yazwilizyanga auze ukuta ukucita iviipe.

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Loma 8:1

Ndakai pasi kuvunukwa kuli yano ailundanya kuli Klistu Yesu.

1 Kolinto 7:17

Cila muntu alinzile kutwalilila kwikala muno Mwene wamusungila na muno Leza wamwamile. Lii, lili lamulo lino nkasambilizya mu mauvi yonsi.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

Efeso 5:15

Caleka tekelini mu mikalile inu. Mutaikala wa antu awelewele, lelo wa antu yamano.

Malango 13:4

Fwandi muce mwalondela Yawe Leza winu nu kumupeela umucinzi. Sungini amasunde yakwe nu kumuyela. Mwamuombela nu kuya akutailwa kunoli.

Malango 28:9

“Ndi cakuti mwayela Yawe Leza winu nu kucita vyonsi vino akumupeela ilamulo kuti mucite, ale lyene alamucita ukuya antu yakwe kololo, wakwe vino walaya.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Kolose 4:5

Muye na mano mu mikalile inu lino muli pakasi ka antu atataila, nu kuomvya insita inu ningo.

1 Tesalonika 2:12

Swemo twamukomelizye, twamutekizye myenzo nu kutwalilila kumupapata kwikala umi uno ukazanzya Leza, wino uwa mwama kuti mukumeko ku Wene nga nu lulumbi lwakwe.

1 Tesalonika 4:1

Pa kumalila, mwe ina itu, mwemo mwasambilile kunotuli pali vino mulinzile kwikala pakuti muzanzye Leza. Endi, vivyo kwene avino mukaikala. Lyene ndakai mwi zina lya Mwene Yesu tukumupapata nu kumukonkomezya kucita cili conga nu kuluta.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.