Utandiko 49:9 - Amazwi Yakwe Leza 2013

⁹ Yuda akoline na cisama, wino akakoma inyama atwala ku ninga, Yuda akoline na cisama akalambalala pansi ainyunza. Wene akoline na cisama, nga kusi umwi angapama ukumuzyula.

Utandiko 49:9 ပူးပေါင်းရင်းမြစ်များ

1 Yamwene 10:20

Kwali kweneko ni vinkolanya ikumi na viili vyakwe cisama ala viimi pa masitepu yaya mutanda, conga uku lutwe lwakwe cila sitepu. Kutatazile kuzanwa icilimba camusango uu mu wene uze uli onsi.

2 Milandu 9:18

Cakweti na pakusamilizya amakasa konsi konsi. Nupya cakweti ni vintu vino yapanginkinye kweneko ivyakola yacisama. Vyayelile umu mbali mbali ya mupando, lwa mu mbazo ya cilimba. Lwa pankolelo pali cilimba ca ngazo, cino yengelile zaabu mutuputupu.

Ezekelo 19:5

Apakulola ukuti vino cisama wiyo walondanga ukucita vyavulungana, nu utailo wakwe ononeka, cisama wiyo watozile umwana wakwe muze amucita kuya cisama wamaka.

Oseya 5:14

Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.

Oseya 5:4

Imilimo yao iipe isiyazumilizya ukuwelela kuli Leza wao, pano yakweti imyenzo yakuntataila, nupya yasizumila vyapali Yawe.

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Mpendwa 23:24

Ala umutundu uu wala wakatuka wakwe cisama wa kaci. Wene akaposiwa nu kulala mpaka sile atale alye cino watalema, Nu kupwila uwazi wakwe vino alemile.”

Mpendwa 24:9

Yene yakateyamila wakwe cisama wakalume nanti wakaci. Nga aweni angezya ukumuvulumula? Ali cino fwandi amakupolelelanga, apolelelwe nawe kwene, Na wensi amakutipwilanga, atipwilwe nawe kwene.”

1 Kolinto 15:24

Alino mpelelekezyo iliiza nga Klistu ale watacimvya mawene yonsi, mauteko yonsi na maka yonsi, nga pacisila apeele Uwene kuli Leza Tata.

Malango 33:20

Apa mutundu wakwe Gadi wavwanzile ati, “Lumbanyini Leza, wino uwavungulwile impanga yao. Aina Gadi yakateyamila wakwe cisama Apakunyunsula ikasa nanti umutwe.

Umbwilo 5:5

Lyene wenga uwamu ikolo anena ati, “Utalila. Lola! Cisama uwamu mutundu wakwe Yuda, umukulu uwamu mupanda wakwe Davidi, wene watacimvya nupya angalematula vimanyililo cinimbali nu kuyula lupapulo.”