Utandiko 48:16 - Amazwi Yakwe Leza 2013

¹⁶ Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

Utandiko 48:16 ပူးပေါင်းရင်းမြစ်များ

Utandiko 22:11

Lelo mungeli wakwe Yawe alaizya ukufuma umwiyulu ati, “Abulaamu, Abulaamu!” Nawe aasuka ati, “Anene mukwai.”

Utandiko 22:15

Mungeli wakwe Yawe aama Abulaamu iila lyakwe ciili ukufuma umwiyulu

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Utandiko 46:3

Leza avwanga ati, “Anene Leza, Leza wakwe so. Utuvwa intete zya kutentemukila ku Eguputo, pano kuku akuno ndalenga amu mupanda wako ukuya uluko lukulu cuze.

Utandiko 48:5

Yakobo atwalilila ukunena Yosefu ati, “Yosefu ana yako yaili aonsi, yano avilwe kunuli mu Eguputo lino ntali nize, nayo kwene akwane. Efulemu na Manase yene akwane wa ana yane aonsi, Lubeni na Simeoni.

Utandiko 49:22

“Yosefu akoline wa muti uno ukaseeka, muti ukaseeka uno uli pipi ni ntulo ya manzi. Misambo yakweo ikatambilizya pa lung'umba.

2 Samueli 4:9

Davidi aasuka Lekabu na Baana, ana aonsi yakwe Limoni umwina Beeloti ati, “Nalapa umwi zina lyakwe Yawe waumi, wino wantuula umu ntazi zyonsi, ukuti

1 Yamwene 1:29

Lyene umwene amunena ati, “Nakulaya umwi zina lyakwe Yawe uwa umi, wino wantuula ku ntazi zyane zyonsi,

2 Milandu 7:14

ndi cakuti antu yane, yano yakaamilwa ukwi zina lyane, yaicefya nu kupepa kunondi, yalondalonda ni cinso cane, nu kuzenzuka ku misango yao ya ukakasi, ale lyene nani ukwiyulu kuno nikala indayuvwa, njayelele uluse apa maifyo yao. Indaleka nu kuti umu mpanga yao muye ivyakulya nyanya.

Masamu 121:7

Yawe alakucingilila uku mazanzo yonsi, alawaka umi wako.

Masamu 34:2

Namamuwanzyanga pali vino wacita. Ali pakuti na yayo kwene yano yakacula, yuvwe kweneko, yasansamuke!

Masamu 34:22

Yawe aliwe amatulanyanga aomvi yakwe. Icacumi antu akazina kunoli yalapusuka.

Masamu 34:7

Umungeli wakwe Yawe akacingilila yayo akamoopa, nupya akayapususya.

Masamu 34:8

Muyuvwile mweisikulu mwenga usuma wakwe Yawe vino waya! Wasyuka wiyo akasimwilila kunoli.

Kufuma 1:7

Lelo vizikulula vyao, aina Izlaeli, yavyala ana avule cuze. Impendwa yao ikula cuze yaya na maka, cakuti yalimba impanga yonsi ya Eguputo.

Ezaya 47:4

Wamuzilo wilya wakwe Izlaeli ali Mukuluzi witu, ni zina lyakwe a Yawe Wamaka yonsi.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Yelemiya 14:9

Pacani cino wayela wa muntu uwataulizya amano, nanti wa musambazi wino atakweti amaka akutupususya? We Yawe, cumi kwene wemo waya apakasi kitu? Swemo sweswe antu yako, utatutazyela, awe.”

Yelemiya 15:21

Ndakutuula ku makasa ya aipe nupya akakate.”

Amosi 9:12

Acino pa nsita kwene ilya aina Izlaeli asyalapo yalacimvya ivyasyala vyamu Edomu, kumwi ni nko zyonsi zino zyamanyike ukwi zina lyane.” Avino Yawe wavwanga, wino alacita vintu vino walanda.

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mpendwa 1:46

Mpendwa yao yonsi pamwi yali 603,550.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Yoane 17:15

Nsyakupepa kunuli kuti uyafumye mu nsi, lelo nkupepa kunuli kuti uyasunge ningo ku mwipe wilya.

Milimo 15:17

Alino na antu yauze yonsi yalalonda Mwene, pamwi na Akulukuwa yonsi yano nama kuya antu yane.

Loma 8:23

Lelo usi uumbo utupu ukateta. Naswe kwene swe muno twapokelela uwila wa Mupasi Wamuzilo uno Leza watalike ukutupela uwa pa mawila yakwe, tukateta cimyamya, ala tukulolela Leza ukutucita ana yakwe nu kukulula mili itu.

1 Kolinto 10:4

nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

1 Kolinto 10:9

Tutalinzile kwezya Mwene, ndi vino yamwi munoyali yacisile nga pacisila yalumika ni nzoka, yafwa.

Malango 28:10

Lyene antu yonsi pano nsi yalalola ukuti Yawe wasolola mwemwe kuti muye antu yakwe kololo, nga lyene yalaoopa mwemwe.

Malango 33:17

Yosefu waya ni vimaka vyakwe cipambasi wa ng'ombe, wa mpembe zya mbo. Impembe zyakwe zikoline wa ana yakwe Manase amazimbi na mazimbi. Nupya wa antu yakwe Efulemu amazimbi na mazimbi. Ali mpembe zino akatunkwila antu ya mitundu Nu kuya vwintila ku mpelelekezyo ya nsi.”

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 11:21

Utailo uwalenzile kuti Yakobo apolelele cila mwana pa ana yonsi yakwe Yosefu, pa nsita ino wene wali pipi nu kufwa. Wene wasintilile pa nsonzo yakwe, apepa.

Yoswa 17:17

Lelo Yoswa anena amu mupanda wakwe Yosefu amu mutundu wakwe Efulemu na wakwe Manase ati, “Muvuzile wakwe cimwi nupya mukweti amaka sana. Mutalinzile ukukwata impanga yonga, lelo mukulondekwa ukukwata ivipande navyuze.