Utandiko 48:1 - Amazwi Yakwe Leza 2013

¹ Pacisila cakwe vii, lino Yosefu ali mu musumba, apokelela amazwi akulwala kwakwe isi. Caleka Yosefu asenda ana yakwe yaili aonsi, Manase na Efulemu, nga apita aya ku kufwilizya isi.

Utandiko 48:1 ပူးပေါင်းရင်းမြစ်များ

Utandiko 46:20

Asenati umwana umwanaci wakwe Potifela, simapepo waku Oni, wavyalile Yosefu ana yaili aonsi mu Eguputo. Ana yaa a Manase na Efulemu.

Utandiko 48:2

Lino Yakobo uvwa ukuti Yosefu umwana wakwe umonsi wataiza ku kumufwilizya, aikomelezya akatuka aikala pa musanzi.

Utandiko 48:5

Yakobo atwalilila ukunena Yosefu ati, “Yosefu ana yako yaili aonsi, yano avilwe kunuli mu Eguputo lino ntali nize, nayo kwene akwane. Efulemu na Manase yene akwane wa ana yane aonsi, Lubeni na Simeoni.

Utandiko 50:23

Yosefu wali mumi kufika nalino ana yakwe Efulemu yali na ana yano ali vizikulula kunoli. Nupya mu ng'anda yakwe apokelela vizikulula navyuze muli Makili, umwana umonsi wakwe Manase.

2 Yamwene 13:14

Kasema Elisya walwile indwala yakumulya. Lino wasikilanga, Yeoasyi umwene waku Izlaeli waile ku kumufwilizya. Alino alila nu kulila ati, “Owe tata we! Tata we! Awewe waali kacingilila wamaka uwa ina Izlaeli!”

2 Yamwene 13:20

Pacisila cakulanda vii, vivyo kwene Elisya ali mifwile, nga iyamuzika nu kumuzika. Imyaka sile yonsi amaumba ya ina Moabu yizanga uku kuzanza impanga ya ina Izlaeli.

Yobo 42:16

Apacisila cakweziwa, Yobo watenzi pano nsi ukulingana imyaka umwanda onga na makumi yani. Waweni ana yakwe, aizikulu, ukufika nu kuvizikulula vyakwe.

Masamu 128:6

Yaa nu umi utantalile kuti uce ukalole vizikulula vyako. Mutende uye kunuli we Izlaeli.

Yoane 11:3

Alino yakaci yakwe yatuma kuli Yesu yati, “Mwene, mukundwe wako watalwala.”

Ayebulai 11:21

Utailo uwalenzile kuti Yakobo apolelele cila mwana pa ana yonsi yakwe Yosefu, pa nsita ino wene wali pipi nu kufwa. Wene wasintilile pa nsonzo yakwe, apepa.

Yoswa 14:4

Ana yakwe Yosefu yali imitundu paili, Manase na Efulemu. Aina Levi yatapezilwe icipande ca mpanga, suka sile imisumba iyakwikala mwenemo, na manyika aku cemelamo iviteekwa ivikulu ni vinono.