Utandiko 47:6 - Amazwi Yakwe Leza 2013

⁶ Yosefu impanga ii ya Eguputo iyakwao. Leka yakikale mu muputule wa Gosyeni, kuno kwazipa cuze. Nupya ndi pangaya yamwi munoyali angamanya ningo utesi wa viteekwa, uike ukuya yakangalila ya viteekwa vyane.”

Utandiko 47:6 ပူးပေါင်းရင်းမြစ်များ

Utandiko 13:10

Caleka Loti acelecensya monsi azana ukuti cifoloma consi ca Luzi lwa Yodani, na konsi ukufuma ku Zoali kwali amanzi aingi wamu calo ca Edeni cino Yawe wapanzile, nanti wamu mpanga ya Eguputo (cii cali lino Yawe atali aonone imisumba ya Sodoma na Gomola).

Utandiko 13:9

Lola! Mpanga ikulu, leka tupalukane. Nakupapata solola cifulo consi cino ukulonda. Ndi waya kwilunji namaya kwimani, ndi waya kwimani namaya kwilunji.”

Utandiko 20:15

Amunena ati, “Mpanga yonsi iyakwane. Ungikala konsi kuno ukasi.”

Utandiko 34:10

Lyene mungikala naswe, nga ni mpanga ingaya iyakwinu, mungaculuzya muno mutemilwe nu kulonka vyuma muno mpanga.”

Utandiko 45:10

Ulikala mu muputule wa mpanga ya Gosyeni, kuno ulaya pipi nani, wewe na ana yako, na aizikulu yako, ni mfwele zyako, ni mbuzi zyako, ni ng'ombe zyako, na vyonsi vino wakwata.

Utandiko 46:34

mukamunene cumi ukuti ukufuma ku kuvyalwa kwinu mwemwe atesi ya viteekwa wakwe vino ivikolwe vinu vyali. Ndi mwaca mwamunena vii, lyene alamuzumilizya kuti mwikale mu muputule wa Gosyeni.” Yosefu wavwanzile vii pamulandu wakuti wamanyile ukuti aina Eguputo yakalola yakacema wa cintu cawinyi.

Utandiko 47:11

Lyene Yosefu aleka isi na aina yakwe yikala mu Eguputo nga ayapeela muputule wa mpanga usuma cuze mupipi nu musumba wa Lamesesi, wakwe vino Falao wapeezile ilamulo.

Utandiko 47:16

Yosefu aasuka ati, “Kaletini iviteekwa vinu, twizakauzyanya ni vyakulya ndi impiya zinu zyatizisila zyonsi.”

Utandiko 47:4

“Twatitwiza ku kwikala mu mpanga ii pamulandu wakuti mu mpanga yaku Kenani cipowe caticiipa cuze cakuti kusi mulemvwe uno umuntu angacemela maufyo yakwe. Twapapata tupele nsambu yakwikala mu muputule wa Gosyeni.”

Utandiko 47:5

Falao anena Yosefu ati, “Ndakai so na ina yako yatiiza kuti ikale nawe.

1 Yamwene 11:28

Yeloboamu wali umulumendo umwi ipaka lya maka. Fwandi lino Solomoni walola kuno umulumendo akuombesya ali pakumupeela umulimo wakwangalila yonsi akwiza ku kuombela kwi sano, amu mutundu wakwe Yosefu.

2 Milandu 26:10

Pacisila cakwe vyonsi vii, Uziya akuula impungu nu mulwanga kwene nga aimba ni vifula ivivule, pamulandu wakuti wene wakweti iviteekwa nyanya mu misana ya twamba nu mu manyika.

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Kufuma 18:25

Alino asolola antu ampomvu mu ina Izlaeli nu kuyasonta kuti yaye intunguluzi zya antu. Mu musango uu, intunguluzi zya antu mazimbi, na zimwi zya antu imyanda, na zimwi zya antu amakumi yasano, na zimwi zya antu ikumi.

Kufuma 9:10

Caleka yatapula itwi nga yaya yimilila pa manso yakwe Falao. Lyene Mose asumba itwi mwi yulu, nga lilyo kwene antu ni nyama yalwala vipute vino vyasangwike viya vilonda.

Kufuma 9:21

Lelo yamwi yatasakamile kusoka kwakwe Yawe nga yata azya yao ni nyama zyao zyali zili palwalala.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Mapinda 22:29

Ndi cakuti wemo walola penepo umuntu umwi umu cincile umu milimo, wiyo kwene ali wino alinzile ukuombela yamwene, asi wakuombela antu asilesile foo.

Yelemiya 40:4

Lelo wemo Yelemiya, ilelo namakusapula iminyololo uku makasa yako. Ndi cakuti ukulonda ukulondela uku Babiloni, tuye twapita nani ndakusunga sile ningo. Lelo ndi cakuti usikulonda ukulondela, usyale. Tala lola sile, impanga yonsi ili sile apa mulola wako, ungaya konsi kuno watemwa.

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

1 Samueli 21:7

Lyene Doegi, umukalamba wenga pali yakacema yakwe Saulo, wali kweneko uwanda kwene ulya. Wene yamutesile pakuti afikilizye incito zimwizimwi izikumile ku mipepele yao.)