Utandiko 45:1 - Amazwi Yakwe Leza 2013

¹ Lino Yuda wamala kuvwanga, Yosefu aposiwa kuzizimizya pa manso ya aomvi yakwe. Caleka apeela ilamulo ku yaomvi yonsi ali mu muputule wa ng'anda kuti yafumemo. Lino Yosefu wasyalamo wenga sile na ina yakwe, ailondolola kunoyali.

Utandiko 45:1 ပူးပေါင်းရင်းမြစ်များ

Utandiko 42:24

Lyene Yosefu afuma panoyali aseleuka nga atandika kulila. Lino wateeka umwenzo aswilila, asenda Simeoni, apeela ilamulo, nga yamunyepa pa manso yao.

Utandiko 44:34

Ntangaswilila ku muzi kuli tata ndi insi nu mulumendo. Ntangatemwa kulola tata mu ulanda lino ungamucitikila.”

2 Samueli 1:20

Cisi cakwezya ukucilanda mu musumba wakwe Gati nanti ukwalazya ilyasi mu museo wa Asyikeloni, pano limwi yamangu amu Filisti yangazanga, nga na ana anaci yakwe yao atasilamulwa yangasansamuka.

2 Samueli 13:9

amupungwilapo tumwi pa mbale kuti alye. Lelo wene akana ukuilila umwisikulu. Alino Amunoni anena Tamala ati, “Nena antu yonsi yafume panzi.” Acino antu nayo iyafuma.

Ezaya 42:14

Leza walanda wati, “Patalimpisya pano nikalila cele, ukwaula kuti nasuke antu yane. Lyene insita yatifika yakuti nacitilapo ivintu. Inkuteta wa mwanaci wino ali pipi nu kulela, nupya nemo nkufuteeka sile.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Mateo 18:15

“Munyonko ndi wakwifya, yanga kunoli umulange kuluvyanya kwakwe lino muli sile mweili. Ndi wakuuvwa, lyene ale mwawikizyanya wa ina.

Milimo 10:41

kusi ku antu onsi, suka sile sweswe, swe muno Leza wasolwile mpiti kuya yakambone yakwe. Kuli kuti walolekile kuli sweswe swe muno twalile nu kumwa pamwi nawe pacisila cakuzyukuka kwakwe kufuma ku mfwa.

Milimo 7:13

Apa lwendo lwakwe ciili, Yosefu waisokolwile ku ina yakwe, nu mwene uwamu Eguputo amanya akazi kakwe.

1 Kolinto 13:5

Kutemwa kutakwata kasa. Kutemwa kutaitemwa nupya kusyasepukilwa. Kutemwa kusyasunga viipe vino yauze yakacita.