Utandiko 42:2 - Amazwi Yakwe Leza 2013

² Nga atwalilila ukulanda ati, “Natinuvwa ukuti ku Eguputo kuli ingano. Pitini mukakale ingano zimwi kuti tutafwa ni nzala.”

Utandiko 42:2 ပူးပေါင်းရင်းမြစ်များ

Utandiko 42:3

Caleka aina yakwe Yosefu ali ikumi iyafuma ku Kenani iyaya ku kukala ingano ku Eguputo.

Utandiko 43:2

Nga lino amu ng'anda yakwe Yakobo yalya nu kumala ingano zyonsi zino yafumizye ku Eguputo, Yakobo anena ana yakwe ati, “Nupya swililini mukatukalile twakulya.”

Utandiko 43:4

Tulapita nu kuya mukalila ivyakulya ndi mwazumilizya kuti tupite nu muto witu.

Utandiko 43:8

Yuda anena isi ati, “Mpeko mulumendo, nga naswe tumakatuka twapita likwene, pakuti sweswe swensi na amu ng'anda itu tutakafwe ni nzala.

Utandiko 45:9

“Ndakai kalaukini muswilile kuli tata nga mukamunene ukuti Yosefu umwana wako umonsi walanda wati, ‘Leza wandenga ukuya kateeka uwamu Eguputo monsi. Kwaula ukusumba insita iza kuno zuwa.

Masamu 118:17

Nemo nsikufwa foo, lelo namaya nu umi, nu kulanda vino Yawe wacita.

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

Masamu 33:19

Wene akayatuula ku mfwa, nu kuyasunga ningo umu nsita ya cipowe.

Ezaya 38:1

Umu manda yalya umwene Hezekiya walwile uwakufwa. Alino kasema Ezaya umwana umonsi wakwe Amozi waile uku kumupempula. Aya amunenelapo na mazwi akuti, “Yawe akukunena ati, ungatantika vyonsi ningo, pano kwene wemo usikupusuka foo, umafwa.”

Mateo 4:4

Yesu amwaasuka ati, “Calembwa mu malembelo cati, ‘Muntu atangaya nu umi pa cakulya citupu, lelo pa kuyela mazwi yonsi yano Leza wavwanga.’ ”

Milimo 7:12

nga lino Yakobo uvwile ukuti ku Eguputo kwali ngano, atuma ana yakwe, vikolwe vitu, ukuya ku Eguputo. Luu, lwali ulwendo lwao lwakutandika.